«Prezıdent Qasym-Jomart Toqaev 25 qańtarda dıplomatııalyq qatynastardyń 30 jyldyǵyna arnalǵan «Ortalyq Azııa – QHR» atty sammıtke qatysady. Onlaın formatta ótetin jıynǵa Qytaı tarapy bastamashy boldy», dep jazǵan edi buǵan deıin Prezıdenttiń baspasóz hatshysy Berik Ýálı Facebook-paraqshasynda.
Onyń atap ótýinshe, kóshbasshylar túrli salalar boıynsha Ortalyq Azııa elderi men Qytaı arasyndaǵy kópjaqty strategııalyq yntymaqtastyqtyń damý perspektıvalaryn talqylaıdy. Is-shara qorytyndysy boıynsha dıplomatııalyq qatynastardyń 30 jyldyǵyna baılanysty Birlesken málimdeme qabyldanady dep josparlanǵan.
Sammıtke QHR Tóraǵasy Sı Szınpın, О́zbekstan Prezıdenti Shavkat Mırzııoev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon qatysýda.
