Eldegi epıdemıologııalyq jaǵdaıǵa sáıkes áýe reısteri Qazaqstan Respýblıkasynyń Kóliktegi Bas memlekettik sanıtarııalyq dárigeriniń 2022 jylǵy 13 qańtardaǵy №3 qaýlysyna sáıkes oryndalady.
El aýmaǵynda tótenshe jaǵdaı rejıminiń alynyp tastalýyna baılanysty ishki áýe reısteri tolyq qalpyna keltirildi. Qazirgi ýaqytta 57 ishki baǵytta 605 turaqty reıs oryndalyp jatyr.
Aıta ketsek, TJ kezinde ushpaı qalǵan áýe reısteriniń jolaýshylary bılet qunyn tolyqtaı qaıtaryp nemese satyp alǵan jerlerine baryp, basqa kúnderge tegin aýystyra alady.
Sondaı-aq, halyqaralyq reıster de qalpyna keltirilgeni habarlandy.
Bir apta ishinde 25 elmen, atap aıtqanda: Armenııa, Ázirbaıjan, Belarýs, Ulybrıtanııa, Vengrııa, Vetnam, Germanııa, Grýzııa, Úndistan, Katar, Koreıa, Qyrǵyzstan, Maldıv araldary, Nıderlandy, Birikken Arab Ámirlikteri, Kýveıt, Polsha, Reseı, Saýd Arabııasy, Tájikstan, Taıland, Túrkııa, О́zbekstan, Ýkraına, Shrı Lankaǵa 257 halyqaralyq reıs oryndalyp keledi.
«Qazaqstanda halyqaralyq áýe reısteri tolyq derlik qalpyna keltirildi. Elimizge nemese elimizden ushatyn otandyq jáne sheteldik áýe kompanııalary óz qyzmetin jalǵastyrýda. Olar áýe kompanııalarynyń resmı saıttarynda jarııalanǵan kestelerge sáıkes oryndalady», delingen Mınıstrlik habarlamasynda.
