Qazaqstan • 26 Qańtar, 2022

Roman Sklıar nemis kompanııalarymen kelissóz júrgizdi

120 ret kórsetildi

QR Premer-Mınıstriniń birinshi orynbasary Roman Sklıar Germanııanyń iri kompanııalarynyń basshylarymen onlaın-kezdesý ótkizdi, dep habarlaıdy Egemen.kz QR Premer-Mınıstriniń resmı saıtyna silteme jasap.

Is-sharanyń kún tártibinde Qazaqstan-German saýda-ekonomıkalyq jáne ınvestısııalyq yntymaqtastyǵyn tereńdetýge, «jasyl ekonomıkany» damytýǵa, birlesken jobalardy iske asyrýǵa, sondaı-aq nemis ınvestorlarynyń quqyqtaryn qorǵaý sharalary talqylandy.

Onlaın-kezdesýge Qazaqstandaǵy nemis kompanııalary men fılıaldardyń 90 ókili qatysty, olardyń ishinde CLAAS, Svevind Group, Volkswagen, Siemens, Deutsche Bank, Knauf, Deutsche Bahn AG jáne basqalary bar.

О́z sózinde Roman Sklıar Germanııadan kelgen seriktesterdi Qazaqstandaǵy aǵymdaǵy qoǵamdyq-saıası jáne áleýmettik-ekonomıkalyq jaǵdaı týraly, sondaı-aq Memleket basshysy Qasym-Jomart Toqaevtyń bastamalary men QR Úkimetiniń turaqty ekonomıkalyq ósýdi, qoǵamdyq ál-aýqat pen ınvestorlardyń quqyqtaryn qorǵaýdy qamtamasyz etý jónindegi sharalary týraly habardar etti.

Ol sheteldik seriktestermen yntymaqtastyqtyń Qazaqstan úshin erekshe máni bar ekenin atap ótip, germanııalyq áriptesterine Qazaqstannyń ınvestorlar men bıznes aldyndaǵy barlyq mindettemeleri men kepildikteri qatań saqtalyp, tolyq kólemde oryndalatynyna sendirdi.

German bıznesiniń ókilderine ESG talaptaryn kúsheıtý, jahandyq energetıkalyq jáne tehnologııalyq kóshý jaǵdaıynda Qazaqstannyń ınvestısııalyq tartymdylyǵyn arttyrý úshin ınvestısııalyq saıasattyń jańa tujyrymdamasyn ázirleý týraly habardar etildi.

Germanııa ekonomıkasy Shyǵys komıtetiniń tóraǵasy O. Germes aımaqtaǵy GFR-dyń bas seriktesi Qazaqstanmen yntymaqtastyqtyń mańyzdylyǵyn erekshe atap ótti. Onyń aıtýynsha, el turaqty energııa óndirý úshin úlken áleýetke ıe.

Osy turǵyda ol germanııalyq isker toptar Qazaqstan Prezıdentiniń bastamalaryn qoldaıtynyn jáne eldiń damýyna óz úlesterin qosatynyn jetkezdi. Sondaı-aq, O.Germes osy jyldyń mamyr aıynda nemis bıznes-delegasııasynyń basshylyǵymen Qazaqstanǵa iskerlik sapar jasaý nıeti týraly habarlady.

German bıznesiniń ókilderi sońǵy oqıǵalar Qazaqstandaǵy kompanııalardyń ınvestısııalyq josparlaryna áser etpegenin atap ótip, ınvestısııalyq ahýaldy jaqsartý maqsatynda júrgizilip jatqan saıasatqa qoldaý bildirdi.

Elshi M.Iversen, sondaı-aq CLAAS, Deutsche Bahn jáne Svevind Energy kompanııalarynyń basshylyǵy da Prezıdenttiń ahýaldy turaqtandyrý jónindegi sharalaryna qoldaý bildirip, birlesken jobalardy iske asyrý boıynsha Qazaqstanmen yntymaqtastyqty jalǵastyrýǵa nıet bildirdi.

Onlaın-kezdesý barysynda «suraq-jaýap» formatynda pikirtalas ótti, onda qatysýshylar praktıkalyq máselelerdiń iske asyrylý barysyn egjeı-tegjeıli talqylady.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar