Aımaqtar • 28 Qańtar, 2022

Ońtústik óńirlerde elektr energııasynyń óshirilý sebebi ataldy

45 ret kórsetildi

«KEGOC» AQ 25 qańtarda Qazaqstannyń ońtústik oblystarynda jaryqtyń sóndirilý sebepteri týraly aıtty, dep habarlaıdy Egemen.kz.

«2022 jylǵy 25 qańtarda saǵat 11:59-da О́zbekstanda qysqa tuıyqtalý saldarynan Syrdarııa JES-tegi alty energııa blogy generasııasynyń jıyntyq shyǵyny 1500 MVt-tan asty. О́zbekstannyń energııa júıesinde paıda bolǵan qýat tapshylyǵy О́zbekstan men Qyrǵyzstannyń energııa júıelerimen qatar jumys isteýge qosylǵan Qazaqstannyń energııa júıesinen qýatty sanksııalanbaǵan irikteýge alyp keldi», delingen kompanııa habarlamasynda.

Operatordyń málimetinshe, energetıkalyq jabdyqtyń búlinýine jol bermeý jáne eldiń ońtústik oblystaryn avtomatıka áreketimen tolyq óteý maqsatynda Almaty, Jambyl, Túrkistan jáne Qyzylorda oblystaryn oqshaýlanǵan jumysqa aýystyra otyryp, tranzıt bólindi.

«Oryn alǵan apat sıfrlyq maınıngti júzege asyratyn tutynýshylardyń qyzmetimen baılanysty emes ekenin atap ótý qajet», dep qosty «KEGOC» AQ-da.

Baspasóz qyzmeti tapshylyqtyń paıda bolýynyń negizgi faktorlary Elektr stansııalaryndaǵy avarııalardyń joǵary bolýy jáne ótken jyly 6%-dan asyp ketken elektr energııasyn tutynýdyń aıtarlyqtaı ósýi bolyp tabylatynyn, bul sońǵy jyldardaǵy kórsetkishterden úsh ese kóp ekenin atap ótti.

Máselen, 2020 jyly elektr energııasyn tutynýdyń ósimi 2%-dy, al 2019 jyly 1,9%-dy qurady.

Eske sala ketsek, 25 qańtarda Almatyda jáne Qazaqstannyń birneshe óńiri jaryqsyz qaldy. Qazaqstanmen shekaralas memleketterde jaryq problemalary baıqaldy.

Sońǵy jańalyqtar

Uqsas jańalyqtar