«Byltyrǵy saılaýdyń qorytyndysy boıynsha Nur Otan halyqtan qajetti senim mandatyn aldy. Alaıda atqarýshy bılik ony paıdalanbaı, áleýmettik-ekonomıkalyq jaǵdaıdyń kúrt nasharlaýyna jol berdi. Buıryqtar, josparlar, tapsyrmalar kóbinese resmı túrde, qaǵaz júzinde oryndaldy», dedi Prezıdent.
Sondaı-aq, qańtar oqıǵasy kezinde partııanyń kadrlyq áleýeti men barlyq aýqymdy ınfraqurylymy tolyq paıdalanylmaǵanyn atap ótti.
«2021 jyldyń qorytyndysy boıynsha Úkimet partııanyń saılaýaldy baǵdarlamasy boıynsha josparlanǵan ındıkatorlardyń 74 paıyzynyń oryndalǵany týraly esep berdi. Biraq bul aqparattyń ras ekenine kim kepildik beredi? Jańa reformanyń kún tártibindegi iske asyrýǵa da qatań partııalyq jáne qoǵamdyq baqylaýdy qamtamasyz etý qajet. Úkimetke naqty tapsyrmalar berildi. Partııa olardyń sapaly oryndalýyn yntalandyrýy kerek. Bul úshin barlyq resýrstar bar», dedi Memleket basshysy.
