Elbasy • 28 Qańtar, 2022

Elbasy Toqaevtyń Nur Otan kóshbasshysy bolyp saılanýyna qatysty pikir bildirdi

308 ret kórsetildi

Qazaqstannyń Tuńǵysh Prezıdenti Nursultan Nazarbaev Nur Otan partııasynyń kezekten tys sezine qatysty, dep habarlaıdy Egemen.kz Elbasy.kz saıtyna silteme jasap.

Elbasy Nur Otan partııasy elimizdiń basty saıası kúshi ekenin aıtty.

«Partııa qoǵamnyń barlyq tobynyń múddesin qorǵaı otyryp, árqashan da Táýelsizdigimiz ben memlekettiligimizdi qorǵaý jolynda turdy. Birge kóp nársege qol jetkizdik. Eń bastysy - Qazaqstannyń odan ári damýy úshin senimdi irgetas quryldy. Bul alǵa qaraı jyljý úshin mańyzdy», dedi Qazaqstannyń Tuńǵysh Prezıdenti.

Nursultan Nazarbaev bıylǵy sezdiń tarıhı mańyzyn aıtyp, partııa músheleri Qasym-Jomart Toqaevty Nur Otan partııasynyń tóraǵasy etip saılaý týraly usynysyn qoldaıtynyna senim bildirdi.

«Keıingi bir jarym jyl ishinde partııa jumysy júıeli túrde qaıta jańǵyrtyldy. Osy prosestiń keıingi kezeńi retinde partııany basqarý mártebesin qazirgi Memleket Basshysy - Qasym-Jomart Kemeluly Toqaevqa berý dep esepteımin. Partııany prezıdent saılaýynda usynǵan jáne qoldaǵan adam basqarýy kerek. Búginde Qazaqstan Prezıdentiniń basshylyǵymen mańyzdy áleýmettik-ekonomıkalyq jáne saıası reformalar kesheni júzege asyrylyp jatyr. Nur Otan partııasy barlyq qajet resýrsqa ıe bola otyryp, olardy júzege asyrýda senimdi kómekshi bolýy tıis»,  dedi Elbasy.

Qazaqstannyń Tuńǵysh Prezıdenti qoǵamnyń qoldaýymen ǵana Qazaqstan táýelsizdigin nyǵaıtýǵa baǵyttalǵan aýqymdy reformalardyń eleýli nátıjelerine qol jetkizýge bolatynyn málimdedi.

«Men uly maqsattarǵa qoǵamnyń toptasýy arqyly, sondaı-aq, eldegi beıbitshilik, turaqtylyq pen kelisim jaǵdaıynda qol jetkizýge bolatynyn árdaıym aıtyp júrmin. Táýelsizdigimizdiń 30 jyldyq tájirıbesi bul derekti aıqyn kórsetedi. Búgin Táýelsizdigimizdiń tórtinshi onjyldyǵyna aıaq bastyq. Bul - jahandyq transformasııa, kúrdeli jáne jaýapty sheshimder kezeńi. Qazaqstan jańa ýaqyttyń barlyq syn-qaterin oıdaǵydaı eńseretinine senimdimin. Aıqyn maqsattar, saıası erik-jiger jáne eń bastysy halyqtyń qoldaý osynyń kepili bolmaq», dedi Nursultan Nazarbaev.

Sońǵy jańalyqtar

Adam quqyǵyn qorǵaýdaǵy jańa beles

Referendým-2022 • Keshe

Akademıktiń algorıtmi

Ǵylym • Keshe

Erdi syılar el qaıda?

Qoǵam • Keshe

Altyn qyz

Sport • Keshe

Talant pen talap

Ádebıet • Keshe

Tarıhı tanym taǵylymy

Tarıh • Keshe

Ádebı ómirdegi áıelder

Rýhanııat • Keshe

Uqsas jańalyqtar