Ákimdik ǵımaratyndaǵy mundaı kezdesý aldyńǵy aptada Qarataý aýdanynyń belsendilerimen ótken bolatyn. Qala ákimi eldi mekenderdi aralap, onda turǵyndarmen kezdesýden bólek, belsendilermen qoǵamdyq qabyldaýlar ótkizýdi júıeli túrde jalǵastyrmaq.
Búgingi jıyn barysynda Abaı aýdanyna qatysty salalar boıynsha másele kóterildi. Qala basshysy ár belsendi qozǵaǵan máseleni muqııat tyńdap, suraqtarǵa jaýap berdi.
Altyntóbe turǵyndary aǵyn sý, aıaldama, jerdi rásimdeý qujattary, tabıǵı gaz máselesin kóterse, qala ákimi Bórjar sý qoımasynan Altyntóbe turǵyn alabyna deıin sý arnasyn salý boıynsha JSQ ázirlenýde, Shymkent-Badam tas jolyna 2 aıaldama ornatylatynyn, al tabıǵı gaz máselesi osy kóktemde sheshiletinin túsindirip ótti.
Qyzyljar turǵyndary Temirlan tas joly boıyna (Alash bazary tusyna) jaıaý júrginshilerge arnalǵan jer asty ótkelin soǵý, ınfraqurylym máselesin sheshýdi surady. Munda jer asty ótkelin soǵýǵa JSQ ázirlenip, memlekettik saraptamaǵa joldanǵany aıtylyp, Jańaqurylys aýmaǵyna 210 úıge ınfraqurylym júıelerin júrgizý maqsatynda bıyl JSQ ázirlenetindigi aıtyldy.
Kezdesýde mektep, ınternet, jol salý, mazarat qorshaý sekildi máseleler de kóterildi. Árbir atqarylar jumysty turǵyndarǵa túsindirip, keıbir tusta sala basshylaryna eskertýler aıtty.
M.Áıtenov máseleniń barlyǵy kezegimen, júıeli túrde iske asatynyn aıtyp, qala tirshiligine beıjaı qaramaıtyn aýdan belsendilerine de alǵysyn bildirdi.
