Aýdan turǵyndarymen kezdesý barysynda qala ákimi Abaı aýdanyna qarasty Samal-3 shaǵyn aýdanynyń 27 myńnan astam turǵyny bıyl ortalyqtandyrylǵan káriz júıesine qosylatynyn habarlady.
Shaǵyn aýdan turǵyndary ákimmen bolǵan ashyq suhbatta ınternet, jol máselesi men aıaldama ornatý boıynsha ótinishterin jetkizdi.
Halyqtyń suraqtaryna jaýap bere otyryp, qala basshysy ótken jyly úsh kóshe jóndelse, osy jyly 7 kóshege asfalt tóseletinin al, káriz júıeleri júrgizilip jatqan kóshelerde qurylys jumystary aıaqtalǵan soń, aldaǵy jyldary asfalttaý jumystary atqarylatynyn aıtty. Sonymen birge shaǵyn aýdandy sapaly ınternetpen qamtý úshin jyl sońyna deıin talshyqty optıka jelisimen qamtý jumystary júrgiziletinin habarladyi. Al aıaldama ornatý máselesi boıynsha salalyq basqarmaǵa zerdeleý jumystaryn júrgizýdi tapsyrdy.
Sondaı-aq Murat Áıtenov osy jyly bıýdjet esebinen 3 sport alańsha men 1 balalar alańshasy salynatyn aıtyp, bul jumystardyń barlyǵy turǵyndardyń jaıly ómir súrýine jaǵdaı jasaý úshin jasalyp jatqanyn atap ótti.
Jalpy, Samal-3 shaǵyn aýdanynda 6800 otbasy turady. Eldi meken turǵyndary aýyz sýmen, tabıǵı gazben jáne sapaly elektr jaryǵymen tolyqtaı qamtylǵan. Mundaǵy kommýnaldyq másele - káriz júıesin retke keltirý. Ákim bul másele de bıyl sheshimin tabatynyna sendirdi.
О́tken jyly 6 kóshe jaryqtandyrylsa, bıyl taǵy 1 kóshede jaryqtandyrý jumystary júrgiziledi.
