Mınıstr BAQ ókiliniń suraǵyna jaýap bere kelip, baǵany retteıtin naqty tetikterdi qoldanysqa engizý úshin Prezıdent sheshimimen 180 kún belgilengenin eske saldy.
«Jospar boıynsha, jetken sheshimimiz boıynsha 2022 jyly elektr qýatynyń baǵasy 2021 jylǵy deńgeıde saqtalady. Oǵan qosymsha jańa tártip pen ádister ázirlenip jatyr. Bul – elektr qýatymen tolyqtaı jabdyqtaý jáne ulttyq elektr júıesiniń turaqtylyǵyn saqtaý. Bul ekeýi – eń mańyzdy másele», dedi Bolat Aqsholaqov.
Onyń sózine qaraǵanda, maınıng fermalar sıfrlyq óndirisi de salada tapshylyq týǵyzyp otyr. Olarmen kúres eldegi elektr qýatyn akkýmýlıasııalanatyn generasııanyń kólemin ulǵaıtý sharalarymen qatar júrýi kerek.
«Árıne, maınerler, basqa da zańsyz qosylýshylar salaǵa áser etip, tapshylyq týǵyzyp jatyr. Olardyń jolyn kesý úshin qosymsha jumys júrgizemiz. Biraq defısıt bolmas úshin eń birinshi generasııany kóbeıtýimiz kerek. Ekinshiden, elektr júıeleriniń sapasyn kóterýimiz kerek. Sol jumystyń bárin biz berilgen 180 kúnniń ishinde ázirlep, iske qosamyz. Baǵa jaǵynan aıtsaq, bıyl elektr qýatynyń aqysyn 2021 jyldyń deńgeıinde saqtaýǵa tyrysamyz», dedi mınıstr.
