Báısheshek gúl – Naýryz nyshany

Ár halyqtyń Jyl basy – jańa jyldy toılaýda óz erekshelikteri bar. Mysaly, japon halqy jańa jyldy sakýra aǵashy gúldegende gúl shoqtarymen toılaıdy. Túrki dúnıesindegi alǵashqy qarlyǵashtardyń biri bolyp biz de merekege gúldi nyshan etip alsaq degen usynys aıtqym keledi. 22 Naýryz – kún men tún teńe­setin mezgil bolyp esepteledi. Samarqanyń kók tasy jibıdi dep te aıtylady. Endeshe, sol kúni keletin jańa jyl merekesin tek qana kóktemde ómir súrýge jaralǵan, kelgen jyldyń eń alǵashqy perzenti tárizdes qazaq jerinde alǵash gúl­deıtin – báısheshek gúlimen qarsy alsaq deımin. Naýryz merekesiniń sımvoly osy gúl bolsa. Qazaqtar bir-birine báısheshek gúlin syılap, barlyq jer báıshe­shekpen bezendirilse, ári qaraı ulttyq kıimdermen ulttyq oıyn-saýyqtar uıymdastyryla beredi. Árıne, bul oılardy jalǵastyra berýge de bolady. Eń bastysy, nyshan – báısheshek gúli bolsa dep oılaımyn. Usynys qabyl alynyp, nasıhattalyp jatsa, halyq dástúri men mádenıetine qosylǵan úles bolar edi. Baýyrlas túrki elderi de Qazaqstannan shyqqan bul bastamaǵa qýanyp qalýy múmkin. Bastysy, bul máselede túrki áleminde alǵashqy bolyp jol salar edik. Esenkúl TО́KEEVA.