HǴS-qa 67-shi negizgi ekspedısııaǵa qatysýshylaryn jetkizetin «Soıýz MS-21» kemesi avtonomdy synaqtardan sátti ótti, sondaı-aq «Soıýz-2.1 a» zymyran tasyǵyshynyń «paketin» (1 jáne 2 saty) mehanıkalyq qurastyrý aıaqtaldy.
Jumys aıaqtalǵannan keıin keme pnevmatıkalyq vakýýmdyq synaqtarǵa daıyndalý úshin jumys ornyna ornatyldy. Sonymen qatar, Iý. A. Gagarın atyndaǵy Ǵaryshkerlerdi daıarlaý ortalyǵynda HǴS-67 negizgi jáne qosalqy ekıpajdarynyń ǵaryshkerleriniń: Roskosmos ǵaryshkerleri Oleg Artemev, Denıs Matveev, Sergeı Korsakov, Sergeı Prokopev, Dmıtrıı Petelın jáne Anna Kıkın sııaqty ǵaryshkerlerge densaýlyq jaǵdaıy boıynsha ǵaryshtyq ushýǵa jaramdy dep tanylǵan bas medısınalyq komıssııanyń otyrysy ótti.
«Soıýz MS-21» kemesiniń ekıpajyn Reseı batyry, Baıqońyr qalasynyń qurmetti azamaty Oleg Artemev basqarady. Ol ǵaryshqa úshinshi ret attanbaq. Denıs Matveev pen Sergeı Korsakov úshin bul alǵashqy sapar.
«Soıýz MS-21» basqarylatyn korablimen «Soıýz-2.1 a» zymyran tasyǵyshyn HǴS baǵdarlamasy boıynsha ushyrý 18 naýryzda Nur-Sultan ýaqyty boıynsha saǵat 21:55-te Baıqońyr ǵarysh aılaǵynyń «Vostok» (№31 alań) ushyrý kesheninen josparlanyp otyr.
