«Men Reseı Federasııasynyń Prezıdentine Máskeýge resmı saparmen kelýge shaqyrǵany úshin shyn júrekten rızashylyǵymdy bildirgim keledi. Biz qol jetkizilgen kelisimdermen uzaq kelissózderdi aıaqtadyq, bul týraly qurmetti Vladımır Vladımırovıch Pýtın habarlaǵan bolatyn. Kelissózder óte mazmundy boldy, qyzyqty dep te aıtar edim. Osy múmkindikti paıdalana otyryp, osy kelissózder ótkendigine rızashylyǵymdy bildirgim keledi», dedi Qasym-Jomart Toqaev.
QR Prezıdentiniń aıtýynsha, bıylǵy jyl qos memleket úshin mańyzdy jyl bolmaq.
«Biz elderimiz arasyndaǵy dıplomatııalyq qarym-qatynastyń 30 jyldyǵyn toılaımyz. Osy ýaqyt ishinde dostyq beriktigine, tarıhtyń ortaqtyǵyna, bizdiń halyqtarymyzdyń mentaldyq jaqyndyǵyna súıene otyryp, biz shyn máninde úlgili memleketaralyq yntymaqtastyqty ornattyq. Qarqyndy saıası dıalogtyń arqasynda barlyq baǵyttar boıynsha áserli tabystarǵa qol jetkizdik. Bizdiń álemdegi eń uzyn qurlyqtaǵy shekaramyz búkil halyqaralyq qoǵamdastyqqa naǵyz úlgili tatý kórshiliktiń, senimdi yntymaqtastyq pen strategııalyq áriptestiktiń jarqyn úlgisi bolyp tabylady», dedi Memleket basshysy.
