Prezıdent Nıderland Koroli Vıllem-Aleksandrmen kezdesti

Memleket basshysy Nursultan Nazarbaev Nıderland Koroli Vıllem-Aleksandrmen kezdesti. Bul týraly Aqorda. kz habarlady. Kezdesýde Qazaqstan men Nıderland arasyndaǵy ekijaqty yntymaqtastyqty, sonyń ishinde mádenı-gýmanıtarlyq ózara yqpaldastyq aıasyn keńeıtý perspektıvalary talqylandy. Nıderland Koroli Qazaqstannyń jáne Nursultan Nazarbaevtyń jahandyq ıadrolyq qaýipsizdikti nyǵaıtýǵa zor úles qosqanyna toqtaldy. Joǵary deńgeıdegi turaqty kezdesýler eki el arasyndaǵy qarym-qatynastardyń odan ári damýyna septigin tıgizetini atap ótildi. Prezıdent Nıderland Koroldiginiń Premer-Mınıstri Mark Rıýttemen de kezdesti. Kezdesý barysynda ekijaqty yntymaqtastyqtyń keń aýqymdaǵy máseleleri qozǵaldy. Buǵan qosa, halyqaralyq kún tártibiniń negizgi jaıttary, sonyń ishinde Ýkraınadaǵy jaǵdaı qaraldy.Taraptar basty nazardy ıadrolyq qarýsyzdaný jáne ıadrolyq qaýipsizdik máselelerine, sondaı-aq saýda-ekonomıkalyq, ınvestısııalyq, ǵylymı-tehnıkalyq jáne energetıkalyq yntymaqtastyq aıasyn keńeıtý baǵyttaryna aýdardy.Sondaı-aq, taraptar erteń Gaaga qalasynda ótedi dep josparlanǵan Iаdrolyq qaýipsizdik jónindegi jahandyq sammıt baǵdarlamasyn talqylady. Nursultan Nazarbaev Qazaqstan úshin Nıderland Eýropalyq Odaqtaǵy negizgi jáne perspektıvalyq seriktesiniń biri ekenine toqtalyp ótti. Onyń aıshyqty aıǵaǵy – eki eldiń túrli salalardaǵy belsendi saýda-ınvestısııalyq yntymaqtastyǵy. Nıderland elimizdiń ekonomıkasyna salynǵan ınvestısııa kólemi jóninen birinshi jáne saýda seriktesterimiz arasynda jetekshi oryn alady, Qazaqstanda Golland kapıtaly salynǵan 800-ge jýyq kompanııa óz qyzmetin júzege asyrýda. Memleket basshysy aýyl sharýashylyǵy men ınnovasııalyq saladaǵy ekijaqty ózara yqpaldastyqtyń mańyzdylyǵyn atap ótti, sondaı-aq Golland kompanııalaryn Astanadaǵy EKSPO-2017 dúnıejúzilik kórmesiniń jumysyna belsene qatysýǵa shaqyrdy.Sonymen qatar, taraptar sý resýrstaryn tıimdi basqarý jáne ekologııa, eki eldiń tranzıt-kólik áleýeti men logıstıkalyq  ınfraqurylymyn damytý máselelerin talqylady. Kezdesý qorytyndysynda Qazaqstan Respýblıkasy Syrtqy ister mınıstrligi men Nıderland Koroldigi Syrtqy ister mınıstrligi arasyndaǵy saıası konsýltasııalar boıynsha ózara túsinistik týraly memorandýmǵa, Qazaqstan – Nıderland Iskerlik keńesin qurý týraly kelisimge qol qoıyldy. Derekkóz: Aqorda. kz. Foto: Ortcom.kz.