Kúdiktilerden bes myltyq tárkilengen. Qalalyq krımınaldyq polısııa keltirgen derekterge zer salsaq, eki kúdikti Almaty oblysynyń, taǵy biri Jambyl oblysynyń ilgeride tonaý deregi boıynsha sotty bolǵan turǵyndary eken.
«Olar 22-24 jastaǵy azamattar. Almaty oblysyna qarasty Qarasaı aýdany aýmaǵynda arnaıy is-shara barysynda kúdiktilerdiń ekeýi ustaldy, taǵy biri Almatydaǵy Dostyq dańǵylyndaǵy saýda úıinde qolǵa tústi. Kúdiktiler qamaýǵa alynǵan. Ustalǵandardyń basqa da zańsyz áreketterge, sonyń ishinde qańtardaǵy jappaı tártipsizdikterge qatysy bar-joǵy tekserilý ústinde», deıdi Almaty qalalyq Polısııa departamenti bastyǵynyń orynbasary Berik Ábilbekov.
