«Qazirgi ýaqytta kabel-ótkizgish ónimine kádege jaratý alymyn alýdy 2023 jylǵy 1 qańtarǵa deıin toqtata turý týraly sheshim qabyldandy. Indýstrııa jáne ınfraqurylymdyq damý mınıstrligimen birlesip mólsherlemelerdi qaıta qaraý boıynsha jumysty aǵymdaǵy aıdyń sońyna deıin aıaqtaımyz», dedi mınıstr.
Vedomstvo basshysy kádege jaratý alymyn ákimshilendirý jáne tıisti qarajatqa ıelik etý fýnksııalary «Jasyl Damý» AQ-ǵa berilgenin eske saldy.
«Jasyl Damý» - taýar qaldyqtaryn keshendi basqarýdyń biryńǵaı júıesin qurýǵa jáne sol qaldyqtardy qaıtalama shıkizat retinde aınalymǵa tartýǵa, qoqys óńdeý salasynyń ınfraqurylymdyq damýymen aınalysatyn uıym.
Aıta ketsek, 8 aqpanda Úkimettiń keńeıtilgen otyrysynda Premer-Mınıstr Álıhan Smaıylov avtokólik pen aýyl sharýashylyǵy tehnıkasynan kádege jaratý alymynyń mólsherlemesi aıtarlyqtaı tómendeıtinin habarlady.
