Igor Lebedev áleýmettik jelide ákesine qatysty jazba qaldyrdy.
«Tek ómir súr!», dep qana jazdy ol.
Aıta ketsek, V. Jırınovskıı 2 aqpanda «Omıkron» shtammynan týyndaǵan asqynýlarǵa baılanysty aýrýhanaǵa tústi. Vedomstvonyń sońǵy aqparatyna sáıkes, dárigerler onyń jaǵdaıyn turaqty dep baǵalap, barlyq qajetti medısınalyq kómek kórsetýdi jalǵastyrýda.
14 aqpanda Reseı lıberaldy-demokratııalyq partııasynyń depýtaty, áleýmettik saıasat jáne ardagerler isteri komıtetiniń tóraǵasy Iаroslav Nılov «Lento.rý»-ǵa bergen arnaıy suhbatynda Jırınovskııde paıda bolǵan mıdyń qabynýy týraly habarlardyń qaýeset ekenin aıtty.
Onyń aıtýynsha, sensasııa izdeýge qumar kóp Telegram arna jalǵan málimdemelerdi jarııalaýda.
Keıingi ýaqytta Reseı lıberaldy-demokratııalyq partııasy keıbir buqaralyq aqparat quraldarynda Jırınovskııdiń jaǵdaıy týraly qaýesetter men jalǵan boljamdarǵa negizdelgen habarlamalarǵa jıi kezigip júr.
«Biz óz bedelin baǵalaıtyn barlyq buqaralyq aqparat quraldaryn Vladımır Jırınovskıı týraly anonımdi qaýesetter taratýdy toqtatýǵa shaqyramyz», dedi partııanyń baspasóz qyzmeti.
Aıana Toǵanbek,
EUÝ stýdenti
