Qorqyt ata atyndaǵy Qyzylorda ýnıversıteti men oblystyq dene shynyqtyrý jáne sport basqarmasy birlese uıymdastyrǵan týrnır aımaqtaǵy dástúrli jarystardyń birine aınalǵan. Osydan 17 jyl buryn oblystyq deńgeıde ótken saıysqa 2006 jyldan bastap elimizdiń ár túkpirinen komandalar qatysyp keledi.
Bıyl jarys alańynan Nur-Sultan, Shymkent, Baıqońyr qalalary men Túrkistan oblysynan kelgen komandalar kórindi. Olarmen qatar jergilikti «Qyzylorda jastary» men «Qorqyt Ata atyndaǵy Qyzylorda ýnıversıteti» komandasy baq synady.
Týrnır qorytyndysy boıynsha «Baıqońyr» komandasy III, túrkistandyq «Qoja Ahmet Iаsaýı atyndaǵy Halyqaralyq Qazaq-túrik ýnıversıteti» komandasy II oryn ıelense, «Qorqyt Ata atyndaǵy Qyzylorda ýnıversıteti» komandasy birinshi tuǵyrdan kórindi.
Týrnır jeńimpazdaryn marapattaý rásiminde Qorqyt ata atyndaǵy Qyzylorda ýnıversıtetiniń Basqarma tóraǵasy – rektor Beıbitkúl Kárimova jastardyń bilimdi, tárbıeli, jigerli bolýmen qatar salamatty ómir saltyn ustanýy, sportpen turaqty túrde shuǵyldanýy asa mańyzdy ekenin atap ótti. Búginde oqý ordasynda sporttyń 11 túrinen 21 sport seksııasy bar..
Týrnırde úzdik oıyn kórsetkender túrli nomınasııalar ıelendi.
Qyzylorda
