Zeınetaqy qorynyń derekteri boıynsha zeınetaqy jınaqtarynyń negizgi somasy mindetti zeınetaqy jarnalary esebinen qalyptasyp, 12,7 trln teńgeni qurady. Mindetti kásiptik zeınetaqy jarnalary boıynsha zeınetaqy jınaqtarynyń somasy 367,8 mlrd teńgeni, erikti zeınetaqy jarnalary boıynsha zeınetaqy jınaqtarynyń somasy 1,7 mlrd teńgeni qurady.
«2022 jyldyń alǵashqy aıynda BJZQ salymshylary ótken jyldyń sáıkes kezeńimen salystyrǵanda shamamen 30%-ǵa artyq qarajat qosty. 2022 jylǵy 1 aqpandaǵy jaǵdaı boıynsha salymshylardyń shottaryna jalpy kólemi shamamen 114,9 mlrd teńge zeınetaqy jarnalary tústi, bul 2021 jyldyń uqsas kezeńindegi kórsetkishten 26,1 mlrd teńgege artyq. Jarnalardyń jalpy kóleminiń 93,3%-yn MZJ boıynsha BJZQ-ǵa túsimder quraıdy, bul - 107,2 mlrd teńge (ósim 29%), MKZJ boıynsha 7,6 mlrd teńge (ósim 28%), EZJ boıynsha 72 mln teńge (ósim 149%) aýdaryldy. Sonymen qatar, bir aı ishinde taza ınvestısııalyq tabys 10,6 mlrd teńgeni qurady», dep habarlady BJZQ.
2022 jylǵy 1 aqpandaǵy jaǵdaı boıynsha BJZQ-daǵy jeke zeınetaqy shottarynyń sany 11,7 mln birlikti qurady. Shottardyń eń kóp sany mindetti zeınetaqy jarnalary boıynsha ashyldy – 10 865 718 birlik. Budan ári MKZJ esebinen qalyptasqan shottar 550 405 birlik, BJZQ-daǵy EZJ esebinen qalyptasqan shottar sany qazir 63 471 birlik, sonymen qatar jyl basynan beri BJZQ salymshylaryna 113,2 mlrd teńge tóledi, basym bóligin turǵyn úı jaǵdaılaryn jaqsartý jáne emdeý maqsatynda birjolǵy zeınetaqy tólemderi - 97,0 mlrd teńge qurady. Jasyna baılanysty tólemder - 6,6 mlrd teńge, muragerlik boıynsha tólemder - 3,8 mlrd teńge, QR sheginen tys jerlerge turaqty turýǵa ketýge baılanysty tólemder - 3,5 mlrd teńge, saqtandyrý uıymdaryna aýdarymdar - 1,6 mlrd teńgeni, jerleýge arnalǵan tólemder - 0,4 mlrd teńgeni jáne múgedektik boıynsha tólemder - 0,2 mlrd teńgeni qurady.
Sondaı-aq, BJZQ kestesi boıynsha aı saıynǵy ortasha tólem somasy (zeınetkerlik jasqa tolýyna baılanysty) 29 200 teńgeni, al aı saıynǵy tólemniń eń joǵary somasy 548 741 teńgeni qurady.
