Úkimette kásipkerlerge qatysty zań jobasy qabyldandy

Búgin, 28 naýryz kúni Premer-Mınstr Serik Ahmetovtiń tóraǵalyǵymen Úkimet otyrysy ótti. Onda Úkimet músheleri «Ruqsattar jáne habarlamalar týraly» jáne «Qazaqstan Respýblıkasynyń keıbir zańnamalyq aktilerine ruqsat berý júıesi máseleleri boıynsha ózgerister men tolyqtyrýlar engizý týraly» zań jobasyn bir aýyzdan qabyldady. Bul týraly Egemen.kz tilshisi habarlady. Otyrysty ashqan S.Ahmetov daıyndalǵan zań týraly baıandaý úshin  О́ńirlik damý mınıstri Bolat Jámishevke sóz berdi. «Bul zań jobasy úsh bólimnen turady. Oǵan «Lısenzııalaý týraly» zań tolyǵymen endi. Zań jobasynyń bul bóliminde saladaǵy búgingi máseleler eskerile otyryp, pysyqtalady. Sondaı-aq, zań jobasynda «Ákimshilik rásimder týraly» QR Zańynan habarlamalar týraly erejeler tolyǵymen qamtyldy. Zań jobasynyń 3 bólimi tolyq qaıta jazylyp, lısenzııa bolyp tabylmaıtyn ruqsat rásimderiniń máselelerin reglamentteıdi», dedi mınıstr B. Jámishev. Jıynda sóz alǵan Ulttyq kásipkerler palatasynyń tóraǵasy Abylaı Myrzahmetovtiń málimdeýinshe, bul zań tıisti memlekettik organdar men kásipkerler jáne birqatar qoǵamdyq uıymdar qatysa otyryp, ár taraýy muqııat zerdelenip, ázirlengen. Nurbaı Elmuratov. Derekkóz: Egemen.kz. Foto: www.Neffegaz.kz.