Mundaı sheshimdi WBO basshysy Fransısko Valkarsel, IBF prezıdenti Derıl Pıplz, WBC jetekshisi Maýrısıo Sýleıman, WBA basshysy Jılberto Mendosa birlesip qabyldap otyrǵanyn aıta ketken jón. Olardyń barlyǵy da Reseıdiń Ýkraına jerine shabýyl jasaǵanyna qarsylyqtaryn osylaı bildirip otyr.
«Álemdik bokstaǵy negizgi tórt uıym birlesip, Ýkraınada oryn alǵan jaǵdaıǵa qatysty kózqarasymyzdy bildirgendi jón sanadyq. Kúlli álem soǵys alaýynyń sóngenin qalap otyrǵanyn bárińiz bilesizder. Bizdiń de ustanymymyz dál sondaı. Sondyqtan da Reseıdegi jarystardy moıyndamaý týraly sheshim qabyldadyq. Odan bólek Reseıdiń aımaǵynda boks jekpe-jekterin uıymdastyrýǵa óz tarapymyzdan ruqsat bermeımiz», delingen resmı habarlamada.
