Qoǵam • 05 Naýryz, 2022

Qańtar tragedııasy: Qaza tapqan áskerılerdiń otbasyna 451 mıllıon teńge berildi

350 ret

kórsetildi

1 mın

oqý úshin

«Qazaqstan halqyna» qoǵamdyq qory qańtar oqıǵasy kezinde qaza tapqan IIM, Ulttyq qaýipsizdik komıteti qyzmetshileri jáne Qorǵanys mınıstrligi men Respýblıkalyq ulannyń áskerı qyzmetshilerine jáne aýyr jaraqat alǵan 106 qyzmetkerdiń otbasy múshelerine kómek retinde materıaldyq tólemderdi bastady, dep habarlaıdy Egemen.kz qor saıtyna silteme jasap.

Gaýhar QAPASh

Qańtar tragedııasy: Qaza tapqan áskerılerdiń otbasyna 451 mıllıon teńge berildi

Tólemder memlekettik organdardan alynǵan resmı tizimder negizinde júzege asyrylady. Bul sanattaǵy jábirlenýshilerge arnalǵan tólemniń jalpy somasy - 451 mıllıon teńge.

Eske salaıyq, buǵan deıin Qamqorshylyq keńes Qor basqarmasyna qaza tapqan jáne aýyr jaralanǵan áskerı qyzmetkerlerdiń otbasylaryna, ishki ister jáne ulttyq qaýipsizdik organdary qyzmetkerlerine belgilengen somalardy tóleýdi tapsyrǵan bolatyn. Sondaı-aq, keńeske adam quqyqtary jáne bala quqyqtary jónindegi ýákilderdiń qorǵa usynǵan tizimderinen kezdeısoq zardap shekken azamattardyń óliminiń mán-jaıyn quzyrly organdarmen birlesip pysyqtaý tapsyryldy.

Qor ýákiletti memlekettik organdardan tıisti resmı málimetter alǵannan keıin osy sanattaǵy qaza bolǵandardyń týystaryna tólemderdi júrgizýdi bastaıdy.