Almaty polısııasy 28 panfılovshylar alleıasynyń mańdaıshalaryn urlaǵandardy ustady, - dep habarlaıdy Egemen.kz Polisia.kz-ke silteme jasap.
Foto: Polisia.kz
Aıta keteıik, 28 gvardııashy-panfılovshylar atyndaǵy saıabaqta batyrlar alleıasynyń tuǵyrynan eki árip pen 13 mańdaıshanyń urlanǵany týraly aryz polısııaǵa 4 naýryzda túsken bolatyn. Qylmystyq is QR QK-niń 188-baby 1-bóligi boıynsha sotaldy tergeýdiń biryńǵaı tizilimine tirkeldi.
"Bul qylmysty ashý úshin arnaıy jedel-tergeý toby quryldy, onyń quramyna qalanyń krımınaldyq polısııasynyń qyzmetkerleri de kirdi. Urylar birden anyqtaldy. Sondaı-aq, qysqa merzimde olar aıdaǵan kólikti anyqtaý múmkin boldy. Kúdiktiler - úsheý, olar 25 jáne 26 jastaǵylar. Kúdiktiler - Almaty oblysy Eńbekshiqazaq aýdanyna qarasty aýyldardyń biriniń turǵyndary. Qylmyskerler ustalyp, qamaýǵa alyndy. Olar shoıyn mańdaıshalar men áripterdi qabyldaý pýnktine ótkizý úshin urlap ketkenderin moıyndady. Biz urlanǵan múliktiń satylý baǵytyn jedel anyqtap, urlanǵan zattardy satyp alýǵa qatysy bar taǵy úsh aıyptalýshyny anyqtadyq. Olar da sol aýyldyń turǵyndary. Sońǵy oryn - Almaty qalasy Túrksib aýdanyndaǵy Bekmahanov kóshesi boıyndaǵy metall qabyldaý pýnkti. Batyrlar Alleıasynan alynǵan áripter men mańdaıshalardy eritýge daıyndaǵan", - dedi Medeý aýdandyq Polısııa basqarmasynyń bastyǵy Dáýren О́tebaev.
Zattaı aıǵaqtar tárkilendi. Olardyń jalpy salmaǵy 44,5 keli boldy. Satyp alýshylarǵa qatysty QR QK-niń 188-baby boıynsha qylmystyq is qozǵaldy. Olar da ýaqytsha ustaý ızolıatoryna qamaldy.
6 maýsymǵa arnalǵan valıýta baǵamy
Qarjy • Búgin, 09:17
Qurylysqa baqylaý kúsheıtiledi
Qurylys • Búgin, 09:00
Jalaý Myńbaıuly Túrkııada ardaqtaldy
Tulǵa • Búgin, 08:58
Geosaıası shıelenistiń ǵalamdyq damýǵa áseri
Saıasat • Búgin, 08:57
Másele • Búgin, 08:54
Jańa Salyq kodeksi: Baı-baǵlannan alynatyn túsim artady
Qarjy • Búgin, 08:50
Uqsas jańalyqtar
Onlaın 
