«Jalpy egis alqaby 23,1 mln ga quraıdy, bul 2021 jyldyń kórsetkishinen 125 myń ga artyq. О́ndiristi ártaraptandyrý jáne monokýltýradan ketý jalǵasýda, osyǵan baılanysty bıdaı alqaby 368,1 myń gektarǵa azaıady, jemshóp daqyldarynyń alańy edáýir ulǵaıtylyp, 3,6 mln gektardy qurady», dedi Aıdarbek Saparov.
Onyń aıtýynsha, kókónis daqyldarynyń shamaly ósýi baıqalady, baqsha daqyldary 2 myń gektarǵa tómendedi, kúrish boıynsha alqap 6,5 myń gektarǵa azaıyp, 89,9 myń ga egiledi.
Yǵyr, maqsary jáne qysha sekildi maıly daqyldar boıynsha alqaptar 61,7 myń gektarǵa azaıady dep boljanýda, al kúnbaǵys alqaptary kerisinshe ulǵaıtylady.
«О́tken jyl kórsetkendeı, aldyn ala josparlaý jáne qajetti daqyldardyń alqaptaryn ulǵaıtý boıynsha jumys nátıje beredi. Mysaly, qaraqumyq boıynsha. 2020 jyly alań 50 myń gektarǵa ulǵaıtyldy, nátıjesinde naryqta jarma tapshylyǵy baıqalmaıdy. Bul qarqyndy joǵaltpaýymyz qajet, 100 myń ga qaraqumyq egisiniń kórsetkishin kelesi jyly da saqtaý qajet. Kartop boıynsha ósim shamamen 5 myń ga quraıdy, al bul 100-110 myń tonna kartop», dep qosty Aıdarbek Saparov.
