«Qazseldenqorǵaý» MM eskertýi boıynsha qar kóshkini júrý qaýpine baılanysty Shymbulaqqa baratyn avtojol ýaqytsha jabyq bolady. Mamandardyń aıtýynsha, qar deńgeıi ádettegiden 30 sm-ge joǵary. Búgin tańǵy saǵat 9:49-da Úlken Almaty ózeni basseıninde 7 márte qar kóshkini tirkelgen.
«Medeý muz aıdyny - Shymbulaq taý-shańǵy kesheni» avtojoly boıynda 11 qaýipti qar kóshkini jıyny ornalasqan. Ol jerdegi barlyq qar osy jolǵa túsetindikten, jol boıyndaǵy kólikter men jaıaý júrginshiler ómirine qaýip tóndiredi. Adam shyǵynyn boldyrmaý maqsatynda Shymbulaqqa kóteriletin avtojol kólik úshin de, jaıaý júrginshiler úshin de jabyq bolady», delingen ákimdik taratqan habarlamada.
Jyl saıyn kóktem kezinde qar kóshkini qaýpi joǵarylaıdy, sebebi qys kezinde qar jınalyp, kóktemde taý basynda turaqtaı almaıdy. Kóbine qar kóshkini kúndizgi ýaqytta, jylymyq kúnderi táýlik boıy júredi. Jaǵdaı ýshyqqqanda qar kóshkini edáýir kólemde júrýi múmkin.
«Qazseldenqorǵaý» MM-men kelise otyryp, joldyń ashylýy týraly BAQ arqyly qosymsha jarııalanady.
Aıta keteıik, 10 naýryz kúni Almatynyń Shymbulaq týrıstik aýmaǵynyń joǵary tusynda qar kóshkini júrip, bir adam mert boldy.
