Onyń ishinde 20 myńy – tekserý, jaýap alý, tintý jumystary. Sol sııaqty 3,5 myń sot saraptamasy taǵaıyndaldy.
Bas prokýror Berik Asylovtyń aıtýynsha, jalpy sany 766 kúdikti tutqyndaldy. Olardyń basym bóligi – jumyssyz, joǵary bilimi joq 30 jasqa deıingi jastar.
«Olardyń ishinde destrýktıvti dinı aǵymdardyń 19 jaqtaýshysy, tyıym salynǵan ekstremıstik uıymdardyń 27 belsendisi, uıymdasqan qylmystyq toptardyń 24 múshesi jáne 113 adam kisi óltirgeni, urlaǵany, tonaǵany jáne qaraqshylyq jasaǵany úshin sottaldy. Mysaly, «Dıkıı Arman» dep atalatyn Jumageldıev pen onyń tobynyń 14 múshesi qamaýda. Mundaı adamdardyń joǵaltatyn eshteńesi bolmady jáne olar ártúrli qylmystarǵa ońaı bardy, dúkenderdi qıratty, tonaýmen aınalysty, ákimshilik ǵımarattarǵa shabýyl jasady», dedi Bas prokýror.
Jalpy, jasalǵan qylmystarǵa qatysy bar-joǵy 22 myńnan astam adam tekserildi.
