Jumanǵarın Májiliste eldegi munaı baǵasy naryq baǵasyna saı emes ekenin atap ótti. Onyń aıtýynsha, munaı baǵasynyń jasyryn jolmen rettelýi naryqtaǵy munaı ónimderi baǵasyna keri áser etken.
О́ńdeýdiń negizgi úlesi CNPC pen «QazMunaıGaz»-ǵa tıesili. Vedomstvo basshysy bul munaı ónimderiniń kóterme jáne bólshek saýda naryqtarynda básekelestikti damytý múmkindigin shekteıtinin atap ótti.
«CNPC pen «QazMunaıGaz» kompanııalar toby 80 paıyz deńgeıde munaı óndirip, ony MО́Z-de jáne Petrosun, QMG jáne PetroleumOperating-te óńdeıdi. Keıin iri kompanııalarǵa satady: Sinooil, PetroRetail, AvtogazTreıd (GazEnergy).
Osylaısha, munaı óńdeý, munaı ónimderin óndirýdiń tehnologııalyq sıkli úzildi. Pavlodar hımııa zaýytynda, Atyraý hımııa zaýytynda gaz saqtaý parkteri jeke qolǵa berildi, jeke monopolııalar quryldy. Sóıtip, gaz baǵasy qoldan kóteriledi», dedi ol.
Serik Jumanǵarın qazir zaýyttarǵa qatysty tergeý júrgizilgenin atap ótti. Atyraý saqtaý parkine 1,3 mıllıard teńge aıyppul salynǵan, al Pavlodardaǵy jumys jalǵasyp jatyr eken.
«Petrosun, PetroleumOperating jáne «QazMunaıGaz» sekildi kóterme saýda naryǵynda negizgi munaı jetkizýshiler ishki naryqqa jetkizilgen munaıdyń jalpy kóleminiń 80 paıyzyn alady. 11 mıllıon tonna munaı ónimderiniń úshten ekisi bólshek saýda jelilerine, úshten biri eshqandaı ınfraqurylymy joq kóterme saýda nysandaryna satylady», dep tolyqtyrdy básekelestikti qorǵaý jáne damytý agenttiginiń basshysy.
