Sozaq aýdandyq polısııa qyzmetiniń qyzmetkerleri Aqjar kóliniń mańynda zańsyz ań aýlap júrgen eki er adamdy ustady.
Olar Ordabasy jáne Tólebı aýdandarynyń turǵyndary ekeni anyqtaldy.
Tártip saqshylary «Ohotzooprom» ókilderimen birlesip zattaı dálel retinde brakonerlerden eki ańshylyq myltyq, úrlemeli qaıyq, sondaı-aq 18 qaz jáne 8 úırek ushasyn tárkiledi.
«Kúdiktiler Sozaq aýdanyna ań aýlaýǵa kelgenderin moıyndady, biraq olarda buǵan ruqsat bolmaǵan. Qazirgi ýaqytta ustalǵandarǵa qatysty QK-niń 337-baby «Zańsyz ańshylyq» boıynsha sotqa deıingi tergeý júrgizilýde. Tártip saqshylary kúdiktilerdiń basqa da osyndaı qylmystarǵa qatystylyǵyn anyqtaıdy», deıdi TQK PD baspasóz qyzmeti.
