Eńbekshi polısııa basqarmasynyń kezekshi bólimine shaǵyn kredıt beretin kompanııadan qońyraý túsken. Qyzmetker olarǵa shabýyl jasalǵanyn habarlaǵan.
Oqıǵa ornyna jedel-tergeý toby men aýdandyq prokýrorlar keldi. Kassırdiń aıtýynsha, saǵat 18.30-da orta boıly, medısınalyq maska taqqan, kózildirik kıgen shamamen 30-35 jastaǵy er adam kirgen. Ol pyshaqpen qorqytyp, 1 mıllıon teńgege jýyq aqsha alyp, qashyp ketken.
Tergeýshiler Qylmystyq kodekstiń 192-baby «Qaraqshylyq» boıynsha sotqa deıingi tergeýdi bastady.
Al krımınaldyq polısııa qyzmetkerleri kúdiktiniń jeke basyn anyqtaý boıynsha barlyq qajetti is-sharany júrgizdi. Kúdiktiniń fotoroboty jasalyp, kórshi oblystarǵa deıin taratyldy. Qaraqshylyq bolǵan nysanǵa kórshi ornalasqan dúken satýshylarynan da surastyrǵan.
Nátıjesinde bir táýlik ishinde polıseıler kúdiktiniń izine tústi. Ol jergilikti turǵyn bolyp shyqty. Ol úıinde ustalyp, polısııa basqarmasyna jetkizildi.
Sotqa deıingi tergeý barysynda kassır kassada tıisti somanyń bolmaýyna baılanysty qaraqshylyq áreketti ózi uıymdastyrǵany anyqtaldy. Ol bul oıyn júzege asyrý úshin dosynan kómek suraǵan.
Qazir osy fakti boıynsha Qylmystyq kodekstiń 419-baby boıynsha tergeý júrgizilip jatyr.
Shymkent polısııasy azamattarǵa qylmys týraly jalǵan habarlama úshin qylmystyq jaýapkershilik qarastyrylǵanyn eskertti.
