Nusqaýlyq Bilim jáne ǵylym mınıstrliginiń obektilerine, sondaı-aq terrorıstik turǵydan osal bilim jáne ǵylym salasyndaǵy qyzmetti júzege asyratyn obektilerge qoldanylady.
Obektilerdiń terrorızmge qarsy qorǵalýyn qamtamasyz etý jónindegi sharalar obektiler aýmaǵynda terrorızm aktileriniń jasalýyna kedergi keltiretin jaǵdaılar jasaýǵa, yqtımal terrorıstik qaýipterdiń saldaryn barynsha azaıtýǵa nemese joıýǵa baǵyttalǵan.
Obektilerdiń terrorızmge qarsy qorǵalýy kelesideı retteletin bolady:
1) Obektilerge zańsyz kirýge kedergi jasaý:
- obektilerde ótkizý rejımin ornatý jáne ony múltiksiz saqtaý;
- obektige zańsyz enýdi anyqtaýǵa múmkindik beretin quraldarmen obektini ınjenerlik-tehnıkalyq turǵydan nyǵaıtý.
2) Terrorızm aktilerin daıyndaý nemese jasaý belgilerin anyqtaý:
- obektilerdegi jáne jaqyn mańdaǵy aýmaqtardy kúdikti adamdar men zattardy anyqtaý turǵysynan baqylaý;
- stýdentter arasynda ekstremızmniń aldyn alý (quqyqtyq bilim berý, ekstremızmge teris emosıonaldy qatynasty qalyptastyrý).
- obektilerdi ınjenerlik-tehnıkalyq jaraqtandyrý josparynda materıaldyq-tehnıkalyq bazany jaqsartý.
3) Obektilerde terrorızm aktilerin jasaý áreketteriniń jolyn kesý:
- obektilerdi kúzetýdi júzege asyrý nemese kúzet qyzmeti sýbektilerimen shart jasasý;
- kelýshiler men kólik quraldarynyń obektilerge kirýiniń belgilengen tártibin turaqty baqylaýdy uıymdastyrý;
- ujymda, onyń ishinde pedagogıkalyq ujymda jáne bilim alýshylarda qaýipsizdik mádenıetin, terrorızmge qarsy sanany qalyptastyrý;
- obektilerdiń terrorızmge qarsy qaýipsizdigin qamtamasyz etetin barlyq is-sharalardy baqylaý.
4) Obektilerde bolýy múmkin terrorıstik qaýip-qaterlerdiń saldaryn barynsha azaıtý jáne joıý:
- bilim berý jáne ǵylym obektileriniń erekshelikterine saı terrorıstik sıpattaǵy yqtımal qaterlerge den qoıý algorıtmderin ázirleý.
- obektide terrorızm aktisi jasalǵan jaǵdaıda ýákiletti organdardy, qyzmetkerlerdi, bilim alýshylardy ýaqtyly habardar etýdi, sondaı-aq bilim alýshylar men tárbıelenýshilerdiń ata-analaryn olardyń is-áreketteri boıynsha habardar etýdi uıymdastyrý;
- obektiniń terrorızmge qarsy qorǵalý pasportyn ýaqytyly jasaý.
Obektilerdiń terrorızmge qarsy qorǵalýyn obektiniń birinshi basshysy uıymdastyrady. Basshynyń buıryǵymen obektiniń terrorızmge qarsy qorǵalýy jónindegi is-sharalardy ótkizýdi qamtamasyz etetin tulǵa aıqyndalady.
Buıryq 2022 jylǵy 22 sáýirden bastap qoldanysqa engiziledi.
