Qoǵam • 21 Sáýir, 2022

Nur-Sultan men Atyraýda un qymbattady

58 ret kórsetildi

Dándi daqyldardyń, basqa da ósimdik undarynyń, sondaı-aq usaq tartylǵan qospalar óndirisiniń kólemi bıylǵy qańtar-naýryz aılarynda 881,4 myń tonnany qurap, bir jylda 8,9%-ǵa ulǵaıdy, dep habarlaıdy Egemen.kz.

Bul 2018-2019 jyldarǵa qaraǵanda az. Aıta keteıik, úsh jyl qatarynan osyǵan uqsas kezeńde óndiris kóleminiń tómendeýi baıqaldy.

Shyǵarylymnyń ulǵaıýyna qaramastan, osy jyldyń naýryzyna qaraı un baǵasy bir jylda 15%-ǵa ósti, bul rette bir jyl buryn 19%-ǵa, al 2020 jyldyń naýryzyna qaraı 23,3%-ǵa qymbattaǵany baıqaldy.

Qazaqstannyń qalalary arasynda 2022 jyldyń naýryz aıynda joǵary surypty bıdaı unynyń eń joǵary baǵasy elordada (343 tg/kg), Atyraýda (327 tg/kg) jáne Almatyda (312 tg/kg) tirkeldi. Eń tómengisi – Pavlodarda (194 tg/kg), Oralda (209 tg/kg) jáne Semeıde (212 tg/kg).

Aıta keteıik, bıylǵy qańtar-aqpan aılarynda Qazaqstan 104,8 mln AQSh dollary somasyna 284,6 myń tonna bıdaı nemese qara bıdaı unyn eksporttady. Bizdiń unnyń negizgi ımporttaýshylary Aýǵanstan (204,9 myń tonna) jáne О́zbekstan (56,6 myń tonna) boldy. Sondaı-aq aıtarlyqtaı kólemder Túrkimenstanǵa (10,7 myń tonna), Reseıge (6,3 myń tonna) jáne Tájikstanǵa (5 myń tonna) jóneltildi.

Aıana Toǵanbek



Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar