Aımaqtar • 23 Sáýir, 2022

Qazaqstan dıplomatııasynyń 30 jyldyǵyna arnalǵan konferensııa ótti

64 ret kórsetildi

Ál-Farabı atyndaǵy QazUÝ-de «Egemen Qazaqstannyń syrtqy saıasaty men dıplomatııasyna 30 jyl: jetistikteri, syn-qaterler men keleshegine» arnalǵan halyqaralyq ǵylymı-tájirıbelik konferensııa ótti, dep habarlaıdy Egemen.kz.

Aýqymdy shara Qazaqstannyń syrtqy saıasatyndaǵy negizgi baǵyttaryn ǵylymı turǵydan taldaý jáne talqylaýmen qatar elimizdiń halyqaralyq qatynastardaǵy róli, qaýipsizdik júıesi, ıntegrasııalyq qurylymdar, ekonomıkalyq jáne órkenıettegi ornyn aıqyndaýǵa baǵyttalǵan.

Ál-Farabı atyndaǵy QazUÝ-dyń Basqarma tóraǵasy – rektory Janseıit Túımebaev jıylǵandarǵa arnaıy quttyqtaý joldady.

«Táýelsizdik jyldarynda Qazaqstan kópvektorly qaǵıdat, pragmatızm jáne ulttyq múddelerge negizdelgen syrtqy saıasattyń tıimdi modelin qurýǵa qol jetkizdi. Búgingi tańda Qazaqstan álemniń 186 elimen dıplomatııalyq qarym-qatynas ornatqan. Negizgi sheteldik seriktestermen yntymaqtastyq artýda. Ortalyq Azııa elderimen dıalog jandana tústi. Halyqaralyq qaýipsizdik máselelerine jiti nazar aýdarylýda. Barshańyzdy Qazaqstan dıplomatııasynyń mereıtoıymen quttyqtaımyn jáne jemisti jumys tileımin!», dedi ýnıversıtet basshysy.

Syrtqy ister mınıstrliginiń Almaty qalasyndaǵy О́kildigi basshysynyń orynbasary Rýslan Qarabýlov óz sózinde QazUÝ basshylyǵyna turaqty yntymaqtastyǵy jáne syrtqy saıasat vedomstvosy úshin kadrlar daıarlaýǵa alma-materdiń qosqan erekshe úlesi úshin alǵysyn jetkizdi.a

«Qazaqstan-ınvestısııa tartý, ekonomıka kólemi boıynsha Ortalyq Azııa óńiriniń absolıýtti kóshbasshysy, – dep atap ótti spıker. – Bizdiń elimiz Eýrazııalyq keńistiktegi ıntegrasııalyq úderisterdiń lokomotıvi bolyp tabylady, kóptegen halyqaralyq uıymdarǵa tóraǵalyq etti, 2010 jyly EQYU sammıtin qabyldady, BUU Bas Assambleıasynyń Iаdrolyq qarýdan azat álem qurý týraly Jalpyǵa ortaq deklarasııany qabyldaýyna bastamashylyq etti. Búginde Qazaqstandy halyqaralyq qoǵamdastyq dıplomatııalyq qyzmet ardagerleriniń kúsh-jigeriniń arqasynda kóbinese boljanatyn jáne senimdi seriktes retinde qabyldaıdy.

Jıynda sóz alǵan BUU-nyń Qazaqstan Respýblıkasyndaǵy Turaqty úılestirýshisi Mıkaela Frıberg-Storı jarqyn bolashaq quratyn jastardy qalyptastyrý BUU mıssııasynyń negizi ekenin eske saldy.  Osy oraıda QazUÝ-da atqarylǵan jumystardy joǵary baǵalap, «BUU-nyń turaqty damý boıynsha jahandyq haby retinde Sizder stýdentterge óz maqsatyna jetýde úlken kómek jasaýdasyzdar. Bul Qazaqstannyń jáne óńirdiń odan ári damýyna yqpal etedi», dep atap ótti. Sarapshynyń aıtýynsha, jahandyq pandemııa jáne geosaıası jaǵdaılar Eýropany II dúnıejúzilik soǵystan beri bolmaǵan emıgranttar daǵdarysyna alyp keldi. Qazir búkil álemde logıstıka salasy zardap shekti, transport, energııa jáne mańyzdy ári qajetti zattardyń baǵasy kúrt kóterildi. Búginde turaqty damý maqsattaryn júzege asyrý tipten qıyn bolyp otyr. Biraq biz ózimizge qajetti jarqyn bolashaqqa umtylýymyz qajet jáne ol úshin bizdiń barlyǵymyzǵa bilim jáne jańa ıdeıalar qajet.

Plenarlyq otyrysta Qazaqstan Respýblıkasynyń Amerıka Qurama Shtattaryndaǵy Tótenshe jáne О́kiletti Elshisi Erjan Ashyqbaev, Eýropalyq Odaqtyń Qazaqstandaǵy elshisi Kestýtıs Iаnkaýskas, Qytaı Halyq Respýblıkasynyń Almatydaǵy Bas konsýly Szıan Veı, Fransýz Respýblıkasynyń Qazaqstan Respýblıkasyndaǵy bas konsýly Aleksıs Shahtahtınskıı, Prezıdent janyndaǵy Qazaqstandyq strategııalyq zertteýler ınstıtýtynyń dırektory Erkin Tuqymov sóz sóılep, pikir bólisti.

 

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar