Ozyq tájirıbe men tehnologııalar qajet

Bul otyrys Qazaqstan Parla­menti Senatynyń Tóraǵasy Máý­len Áshimbaevtyń О́zbekstan Respýb­lı­kasyna resmı sapary barysynda eki el parlamentshileri qol jetkizgen ýaǵdalastyqtardyń nátıjesinde uıymdastyrylyp otyr.

Kezdesýdiń basty maqsaty – Araldy qalpyna keltirý jáne onyń ekojúıesin qorǵaý máselelerin­de Qazaqstan men О́zbekstannyń yntymaqtastyǵyn odan ári nyǵaıtý. Sondaı-aq atalǵan jıyn ǵylym men ekologııa salasynda bilim berýge qatysty birlesken jobalardy iske asyrýdy kózdeıdi.

Otyrysty ashqan Senat Spıkeri Máýlen Áshimbaev Qazaqstan men О́zbekstan arasyndaǵy ózara qarym-qatynas búginde baýyrlas elder tarıhyndaǵy jańa deńgeıge kóterilgenin aıtty. Senat Tóraǵasynyń aıtýynsha, mundaı yntymaqtastyq eki memleket úshin de mańyzdy sanalatyn Aral problemasyn sheshýge óz yqpalyn tıgizedi.

«Bizdiń elderimizdiń memleket basshylary Aral problemasyn sheshý jáne transshekaralyq sý resýrstaryn tıimdi paıdalaný mańyzdy ári kezek kúttirmeıtin másele ekenine únemi basa mán berip keledi. Kezinde biregeı sý qoımasy bolǵan Aral qazirgi tańda óńirdegi elder úshin orasan zor ekologııalyq problemaǵa aınalyp otyr. Bul yntymaqtastyqty nyǵaıtý jáne Araldy qaıta jandandyrý úshin ozyq tájirıbe men tehnologııalardy keńinen qoldaný múmkindigi ekeni sózsiz», dedi Máýlen Áshimbaev.

Sonymen qatar ol Aralǵa qatysty birqatar máseleni sheshý kezindegi oń tájirı­bege toqtaldy. Senat Tóraǵasy Dúnıe­júzilik bank pen Qazaqstan Úkimeti qar­jy­landyrǵan «Syrdarııa ózeni­n­iń arnasyn retteý jáne Aral teńiziniń soltústik bóligin saqtaý» jobasynyń qolǵa alynýy jáne onyń birinshi kezeńiniń iske asyrylýy mańyzdy qadam ekenin aıtty. Sondaı-aq Palata Spıkeri qazirgi tańda teńiz deńgeıin ustap turý úshin jańa mindetterdiń aýqymdy keshenin qamtıtyn osy joba­nyń ekinshi kezeńin júzege asyrý qajettigine nazar aýdardy.

Máýlen Áshimbaev Aral aı­maǵyn qalpyna keltirý boıynsha birlesken jumysty qoldaı otyryp, Halyqaralyq Araldy qutqarý qorynyń platformasyn barynsha paıdalaný mańyzdy ekenin jetkiz­di. Budan basqa óńirdiń ekojúıesin qalyptastyratyn transshekaralyq ózenderdiń sý resýrstaryn birlesip basqarýdyń ózara tıimdi jáne ońtaıly tártibin izdestirý kerektigin de tilge tıek etti.

Senat Spıkeri Aral problemasyn sheshýge qatysty Qazaqstan Par­lamentiniń Senaty men О́zbek­stan Olıı Majlısiniń Senaty arasyndaǵy yntymaqtastyqtyń birneshe baǵytyna toqtaldy.

«Birinshi kezekte, Aral máselesi boıynsha qazirgi problemalardy sheshýge baılanysty memleket­tik organdarmen tyǵyz baıla­nys ornatýdyń mańyzy zor. Qazir bul baǵytta jumys júrgizilip jatyr. Odan bólek, belgilengen josparlardyń iske asyrylý barysyna parlamenttik baqylaý júrgizýdi tıimdi paıdalanǵan jón. Depýtattyq korpýs Aral má­se­lesi boıynsha jáne óńirdi da­mytý jónindegi bastamalarǵa qajetti zańnamalyq qoldaý kórsete alady. Birlesip, bul máselelerdi ha­lyqaralyq alańdarda da belsendi túrde ilgeriletýdiń de bereri mol dep esepteımiz. Jalpy, bizde tıimdi birlesken jumys úshin qajetti múmkindikter men resýrstar bar», dedi Máýlen Áshimbaev.

Is-sharany Qazaqstan Senaty Tóraǵasynyń orynbasary, Ko­mıssııanyń Qazaqstan tarapynan teń tóraǵasy Asqar Shákirov júr­gizip otyrdy. О́zbek delegasııasyn sol eldiń Olıı Majlısi Senaty tóraǵasynyń birinshi orynbasary, Komıssııanyń О́zbekstan tarapynan teń tóraǵasy Sodyk Safoev bastap keldi.

Kezdesý aıasynda eki eldiń par­la­ment­shileri Aral aýdanyn aralap, Kókaral bógetiniń qazirgi jaǵ­daıy­men arnaıy baryp tanys­ty. Sonyń barysynda elimizdiń Eko­logııa, geologııa jáne tabıǵı resýrs­tar mınıstri óńirdiń búgingi gıdro­lo­gııalyq ahýaly men onyń damý pers­pektıvalary týraly aıtty.

Is-sharaǵa eki eldiń senator­larynan bólek, Qazaqstan Úkimeti­niń músheleri jáne halyqaralyq uıymdardyń ókilderi qatysty. Atap aıtqanda, BUU Damý baǵdar­la­ma­synyń (BUU DB) Qazaqstandaǵy tu­raqty ókili Iаkýp Berısh jáne Dú­nıe­júzilik densaýlyq saqtaý uıy­mynyń Qazaqstandaǵy ókili Kero­laın Klarınval qatysyp, tal­qy­lanǵan máseleler boıynsha qol­daý kór­setýge múddeli ekenderin bildirdi.