Qoǵam • 25 Sáýir, 2022

Egizden keıingi úshem

72 ret kórsetildi

Bıylǵy balalar jylynda qasıetti Ramazan aıynda kúnderdiń sultany jumada Qyzylordadaǵy «Ana men bala» ortalyǵynda úshem dúnıege keldi. Ádilhan, Álıhan, Nurlybek degen esimderdi ıelenip otyrǵan bul úsh ul Syrdarııa aýdanyndaǵy Qaljan ahýn aýylynda turatyn Baqytbek Qııasov pen Elvıra Ábdiǵapparovany 8 balanyń ata-anasy atandyryp, olardy úlken bir úıelmenniń basy bolýǵa jaqyndata tústi.

Sábılerdiń ata-anasyn alǵashqy bolyp oblys ákimi Nurlybek Náli­baev quttyqtapty. Aımaq basshy­sy­nyń sále­mi men nárestelerge syı-sııa­­patty oblystyq ishki saıasat bas­qarmasynyń basshysy Mıra Qazbekova men oblystyq densaýlyq saqtaý bas­qar­masynyń jetek­shisi Sábıt Pa­zy­lov tabystady.

– О́ńir basshysynyń «Dúnıe dıdaryna kelip, áýletti qýanyshqa bólegen baýyr et balapandaryńyz eline eleýli, ultqa adal qyzmet eter azamat atansyn. Shańyraqtaryńyzdy qýanyshqa keneltip jatqan úshemderdiń baýy berik, ómir jasy uzaq bolsyn. Ata-anasynyń úmitin aqtaıtyn, bola­shaǵy jarqyn, baqytty balalar bolyp ósip, er jetsin» degen tile­gine rızamyz. Jalpy, meniń anam 9 qursaq kótergen, men úıdiń kenjesimin. Kezinde anamnyń syńary týa sala shetinep ketken eken, kelinshegimniń naǵashylary arasynda egizder bar. Sondyqtan da byltyr dúnıege egizder kelgende «tuqymda bar ǵoı» deskenbiz. Qazir olar aıaǵyn apyl-tapyl basyp júr. Al myna sábılerdiń úshem ekenin alǵash bilgende sener-sen­besimizdi bilmeı qaldyq, – deıdi qýa­nyshtan tolqyǵan Baqytbek.

Úshemderdiń ákesi Baqytbek Qııasov jeke kóligimen júk tasıdy. Analary Elvıra Ábdiǵapparova zańgerlik ma­man­dyǵyn balanyń bazaryna aıyr­bastaǵan baqytty jan.

Jasaı berińder, qazaqtyń altyn qursaq analary!

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar