Aımaqtar • 26 Sáýir, 2022

Syr aspanyn án terbedi

70 ret kórsetildi

Syrda týyp, án óneriniń sandýǵashyna aınalǵan Roza Baǵlanova esimi ult rýhanııatyndaǵy tutas bir dáýirdiń bastaýynda turǵany daýsyz. Ǵaja­ıyp ánshiniń ǵasyrlyq toıy elimizben qatar IýNESKO kóleminde atalyp ótilýde. Qazaqstan jáne KSRO halyq ártisi, Halyq qaharmany­nyń esimin ulyqtaýǵa arnalǵan sharalar aıasynda Qyzylordada respýblıkalyq «Aqmańdaılym» ánshiler konkýrsy ótip, qaladaǵy ortalyq alańda eskertkishi boı kóterdi.

Syrdaǵy óner toıy osy eskertkishtiń ashylýy­men bastaý aldy. Granıt tu­ǵyrǵa qonǵan bulbul ánshi músini qoladan qu­ıyl­ǵan. Eskertkish avtorlary – Murat Sydyqov pen Baýyrjan Ke­nenbaı. Ánshiniń sahnaǵa shy­ǵýǵa da­ıyndalyp turǵan sáti beı­­ne­lengen joba talaı ju­­mystyń arasynan tań­da­lyp alynypty. Onyń ashy­lýynda oblys ákimi Nur­lybek Nálibaev erkelet­ken eline eskertkish bolyp oralǵan bulbul ánshi esi­mi týǵan topyraǵynda úz­dik­siz ulyqtalyp keletinin aıryqsha atap ótti.

– Prezıdent tapsyrma­syna sáıkes, án padıshasyn máńgi este qaldyrý maq­sa­tynda eldik dárejede má­denı is-sharalar bastalyp ketti. Jýyrda Almaty qa­lasynda eskertkishi ashyl­ǵanyn bilesizder. Búgin týǵan jerinde ańyz adamǵa arnalǵan ásem eskertkish boı kóterip otyr. Eli tur­ǵanda Roza apamyzdyń esimi eshqashan óshpek emes, – dedi oblys ákimi.

Merekelik is-sharaǵa ar­naıy shaqyrylǵan Roza Baǵ­lanovanyń uly Tájen men kelini Maral ánshi rýhyna qurmet kórsetken jerlesterine alǵys bildirdi. Lentasy qıylǵannan-aq eskertkishtiń mańaıy gúlge tolyp sala berdi.

Osy kúni N. Bekejanov atyndaǵy drama teatryn­da respýblıkalyq «Aqmań­daı­lym» ánshiler konkýrsy bastaldy. Osyǵan deıin de talaı daryndy jas­tyń tusaýyn kesip, jolyn ashqan dástúrli baıqaýǵa bul joly irikteý týrynda 200 talapkerdiń arasynan 15-i tańdalypty.

Konkýrs shartyna sáıkes alǵashqy kezeńde konkýrsanttar Roza Baǵlanova­nyń repertýaryndaǵy án­der­­den kameralyq orkes­trdiń súıemeldeýimen án aıtsa, ekin­­shi kúni el kompozı­tor­la­­­rynyń ánderinen bire­ýin oryn­dady. Olardyń óne­rin tarazylaıtyn qazy­lar al­qasy quramynda qa­zaq estra­­dasynyń jul­dyz­­da­ry, Qazaqstannyń eńbek sińir­­gen qaıratkerle­ri Je­ńis Seıdollauly, Sem­­bek Ju­ma­ǵalıev, Rama­zan Taı­ma­nov, Qazaqstannyń eń­bek si­­ńir­gen ártisteri Kúlán Qa­­­lym­betova jáne Baq­tııar Taı­laqbaev boldy. Teatr­­lan­dyrylǵan qoıy­lym arqyly sandýǵashtaı syń­­ǵyr úndi ánshiniń jas ke­­zi­niń bir úzigin kórer­men kóz aldyna ákelgen kon­­kýrstyń ashylýynda ob­lys ákimi Nurlybek Ná­li­­baev búgingi Syr aspanyn terbegen án merekesin ult rýhanııatynyń asqaq­ta­ǵan sátine balap, baı­qaý­ǵa qatysyp otyrǵan jas­tarǵa sáttilik tiledi. Án pa­­­dı­­sha­sy­nyń uly Tájen men ke­lini Maralǵa qazaqy dás­túr­ge saı syı-sııapat jasady.

Eki kúnge sozylǵan kon­­kýrsta 15 úmitkerdiń óne­­­rin saralaǵan qazylar al­qa­­­synyń sheshimimen bas júl­de Jambyl oblysy­nan kelgen Darhan Qabylǵa buıyrdy. Qyzylordalyq Adajio toby I orynǵa la­ıyq dep tanylsa, II oryndy Nur-Sultan qalasynan kelgen jas ánshi Qymbat Jambylbek pen aqtóbelik Ákimjan Shakırovter ıem­dendi. Almatylyq óner­pazdar Azamat Bekbergen men Almagúl Battalıeva, Qazaly aýdanynan qatysqan Sáken Kermesh úshinshi oryn aldy. Batysqazaqstandyq Dáýren Erman men Soltústik Qazaqstan oblysynan kelgen Ilııas Qadyrbaı arnaıy nomınasııa ıelendi. Jalpy, júlde qoryna Qazaly aýda­ny ákimdigi men ánshiniń otbasy qomaqty úles qosty.

Bulbul ánshi atyndaǵy konkýrs gala-konsertke ula­syp, Syr aspanyn áýe­legen án terbedi.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar