Is-sharaǵa Qazaqstan halqy Assambleıasynyń músheleri, respýblıkalyq etnomádenı birlestikterdiń basshylary, etno buqaralyq aqparat quraldarynyń bas redaktorlary jáne belsendi jastar qatysty.
Kezdesý barysynda etnosaralyq qatynastar salasynda memlekettik saıasatty tıimdi júzege asyrý men Qazaqstan halqy Assambleıasynyń qyzmetin jańǵyrtý máseleleri talqylandy.
Mınıstr óz sózinde atalǵan jumystar Memleket basshysynyń Joldaýyn júzege asyrý aıasynda atqarylatynyn jáne atalǵan qujatta birqatar saıası ózgeris kórinis tapqanyn jetkizdi.
«Saıası ózgerister memleketti basqarý prosesine azamattardy keńinen tartýdy qamtamasyz etýge baǵyttalǵan. Bul óz kezeginde, qýatty parlamenttik mádenıeti men yqpaldy halyq qalaýlylary bar jańa Qazaqstannyń negizi bolmaq. Sonymen qatar partııalyq júıe úshin múmkindikter keńeıtiledi, saılaý zańnamasy jetildirilip, azamattyq qoǵam ınstıtýttary men BAQ róli arta túsedi», dedi mınıstr.
Buǵan qosa Asqar Omarov qoǵammen baılanysty arttyrýdyń mańyzdylyǵyn aıta kele «Ulttyq quryltaıdyń» ózektiligine toqtaldy.
«Bul azamattyq ınstıtýt Ulttyq qoǵamdyq keńesti almastyryp, onyń quramyna beldi de belgili qoǵam qaıratkerleri, qoǵamdyq uıymdardyń jetekshileri men barlyq óńirlerdiń ókilderi kiretin bolady. Azamattyq qoǵammen baılanys bizdiń mekemeniń quzyretine kiretindikten «Ulttyq quryltaıdyń» basym bóligin bizdiń áriptesterimiz, sondaı-aq osy zalda otyrǵandar da quraıtyn bolady», dep málimdedi A.Omarov.
Qorytyndylaı kele, mınıstr memleket pen qoǵamnyń odan ári damýy úshin atalǵan abyroıly qyzmet óz jalǵasyn tabatynyn, Aqparat jáne qoǵamdyq damý mınıstrligi osy baǵyttaǵy jumysty birlesip úılestirýge daıyn ekendigin jetkizip, barlyq qatysýshylardy aldaǵy Qazaqstan halqynyń birligi kúnimen quttyqtady.
