Bul ýchaskede úlken suranysqa ıe №32, 50 baǵdardaǵy avtobýstardyń qozǵalysyna artyqshylyq jasalǵan.
«Qoǵamdyq kóliktiń kedergisiz ótýinen basqa, Bus Lane jobasy jedel járdem men órt sóndirý tehnıkasy úshin de kólik dálizin qamtamasyz etýge múmkindik beredi, nátıjesinde olardyń júrý ýaqyty edáýir jyldamdady», dedi CTS.
Osylaısha Bus Lane jobasy jalpy uzyndyǵy 74,6 kılometr bolatyn 26 jol ýchaskesinde júzege asyrylýda.
Engizilgen jańa ózgeristerdi eskere otyryp, júrgizýshiler júretin jolyn aldyn ala josparlaýy kerek.
Eske sala keteıik, elordada Bus Lane-di paıdalaný máselesi boıynsha onlaın-daýys berý jalǵasýda, qoǵamdyq kólik úshin bólingen jolaqtar boıynsha júrgizýshilerdiń qarbalas saǵattardan tys jáne demalys kúnderi qozǵalý múmkindigi pysyqtalyp jatyr.
Bas Lane paıdalaný máseleleri boıynsha daýys berý úshin myna siltemege ótý kerek.
Daýys berý júıesi eGov.kz portalynda jáne mobıldi azamattar bazasynda tirkelgenderge ǵana qoljetimdi. Iаǵnı, daýys berý úshin avtorızasııadan ótý qajet.
Ol úshin saıttyń joǵarǵy panelindegi «kirý» siltemesin basyńyz, sodan keıin eGov.kz-te avtorızasııa paraqshasy ashylady. Kirý nusqalarynyń birin tańdańyz, mysaly, bir rettik parol (SMS) nemese ESQ arqyly, avtorızasııadan ótińiz, sodan keıin saýalnamanyń tómengi jaǵynda «daýys berý» batyrmasy paıda bolady.
Eger siz mobıldi qurylǵydan daýys bergińiz kelse, onda bir rettik parol arqyly avtorızasııany qoldanýyńyzǵa bolady.
