Qazaqstan • 27 Sáýir, 2022

Bıýrokratııalyq kedergilerge jol berilmeıdi

57 ret kórsetildi

Memleket basshysy Qasym-Jomart Toqaevtyń «Memlekettik apparat­tyń qyzmetin bıýrokratııadan aryltý sharalary týraly» Jarlyǵyna sáıkes, agenttik barlyq ákimshilik rásimderge taldaý jasap, ár jarty jyl sa­ıyn onyń nátıjesin, ıaǵnı bıýrokratııa kórinisterin aldyn alý boıynsha naqty usynystardy Prezıdent Ákimshiligine engizedi. Bıýrokratııalyq kedergilerge jol berilmeıdi.

Memleket basshysy «Jańa Qazaq­stan» tujyrymdamasyn usyndy. «Adam – memleket úshin emes, memleket – adam úshin» uǵymy alǵa shyǵýǵa tıis ekenin aıtty. Memlekettik qyzmet sapaly, kedergisiz ári ýaqtyly kórsetilip, eldiń múddesi birinshi orynda turýǵa tıis.

Túrkistan oblysyna arnaıy issa­par­­men kelgen Memlekettik qyz­met isteri agenttiginiń tóraǵasy Darhan Jazyq­baev oblys aktıvimen, memleket­tik qyzmetshilerimen kezdesýde osylaı dedi. Sondaı-aq jıynda agenttik tóraǵasy júrgizilip jatqan reformalardy ońtaıly júzege asyrýda agenttik aldynda turǵan birqatar máseleni baıandady. Kórsetiletin memlekettik qyzmetterdiń basym kópshiligi óńirlerde usynylatynyn eskere otyryp, olardy tıimdi ári sapaly júzege asyrý qajet­tigin alǵa tartty. «Elimizdiń kez kelgen azamaty memlekettik qyzmetterdi ózi qalaǵan óńirde nemese olardy usynatyn mekemede alý múmkindigine ıe bolýǵa tıis. Sondaı-aq memlekettik qyzmet kórsetý merzimderin saqtamaý jáne rásimderin buzý sekildi máselelerdiń aldyn alý, memlekettik qyzmetti oń­taı­ly baǵytta uıymdastyrý sharalaryn qolǵa alý qajet», deı kele agent­tik tóraǵasy memlekettik qyzmetke irik­teýdi jeńildetý boıynsha jasalyp jat­qan birqatar usynysqa toqtaldy. «Joǵary oqý oryndary men kolledjder­de memleket esebinen bilim alyp, oqý úlgeri­miniń ortasha baly joǵary kórset­ki­sh­tegi maman ıesi atanǵan jastardy aýdandyq jáne aýyldyq deńgeılerdegi tó­mengi laýazymdyq memlekettik qyz­metke kon­kýrstyq irikteýsiz qabyldaý usy­n­y­lyp otyr. Bul qadam jas maman­dardyń el óńirlerine oralyp, onyń damýyna úles qosýyna jol ashyp, aımaqtarda kadr tapshylyǵyn azaıtýǵa yqpal etedi dep oılaımyz», dedi ol.

Kezdesý barysynda óńirdiń memle­ket­tik qyzmetshileri birqatar ózekti máse­leni qozǵap, usynystaryn jetkizdi. Keı­bir aýdandarda memlekettik qyzmetshi sany halyq sanyna saı emes ekeni, olardyń quqyǵyn qorǵaý baǵytyndaǵy túıtkilder aıtyldy. Memlekettik qyzmetshilerdiń bilimin, qoǵammen baılanys ornatýdaǵy sheberligin kóterý, eldiń máselesine jedel ún qatý joldary talqylandy. Sonymen birge agenttik tóraǵasyna jańa Túrkistan oblysyn qurý barysyndaǵy algorıtm men is-sharalar baıandaldy. Bul oraıda elimizde jańa oblystardy qalyptastyrýda Túrki­stan óńiriniń tájirıbesi de nazar­ǵa alynatyn boldy. Túrkistan qala­synda turǵyndardy qabyldap, ótinish­terin tyńdaǵan agenttik tóraǵasy issa­par aıasynda Qoja Ahmet Iаsaýı atyn­daǵy Halyqaralyq qazaq-túrik ýnı­ver­sıtetiniń oqytýshy-professorlar quramymen jáne jas memlekettik qyz­metshiler mektebiniń stýdentterimen kezdesti. Búginde oblystaǵy memlekettik qyzmetshilerdiń 500-deıi – osy oqý ornynyń túlekteri ekenin aıta ketelik.

Ordabasy aýdany jáne Kentaý qala­synda azamattardy jeke qabyldap, memlekettik qyzmet kórsetý sapasymen tanysqan agenttik tóraǵasynyń issapary Shymkent qalasynda jalǵasty. Memlekettik qyzmetshilermen kezdesýde Darhan Jazyqbaev Prezıdent qoıǵan birqatar mindetke toqtalyp, mem­lekettik qyzmet kórsetý bıýrokra­tııalyq, formaldi prınsıpterge emes, naqty nátıjege baǵdarlaný kerek­tigin aıtty. «Memlekettik qyzmet bıýro­kratııaǵa jol bermeıtin, halyqtyń qa­jetine baǵdarlanǵan servıstik sıpat­ta uıymdastyrylǵan kezde qalyptasqan olqylyqtar eńserilip, memlekettik apparattyń jumysy jańa deńgeıge kóterileri anyq. Jasalyp jatqan refor­malardyń barlyǵy da el ıgiligine baǵyt­talyp otyr. Memlekettik qyz­metti túbegeıli jańǵyrtýdyń da basty maqsaty – «halyq únine qulaq asatyn» memlekettik apparat qalyptastyrý», dedi D.Jazyqbaev. Sonymen qatar agenttik tóraǵasy jańa redaksııadaǵy Ádep kodeksinde kórsetilgen ashyqtyq, ádildik, adaldyq, sypaıylyq, adal nıettilik jáne klıentke baǵdarlaný qaǵıdalaryna basa nazar aýdarýǵa shaqyrdy. Memlekettik qyzmetshi mem­lekettik organnyń ókili retinde onyń abyroıy men bedeline nuqsan keltiretin áreketterge, sybaılas jemqorlyqqa, múddeler qaqtyǵysyna, qoǵam tarapynan, sonymen qatar áleýmettik jelilerde synǵa ushyraıtyn áreketterge jol bermeýge tıis ekendigin atap ótti. Al Shymkent qalasynyń ákimi Murat Áıtenov «Halyq únine qulaq asatyn memleket» qaǵıdasyna sáıkes qalada «adamdar – ákimge» formatynan «ákim – halyqqa» qaǵıdatyna kóshý baǵytynda júıeli jumystar atqarylyp jatqanyn atap ótti. «Memleket basshysynyń tapsyrmasyna sáıkes 2022 jyldyń 1-toq­sanynda qalada 72 kezdesý ót­kizilip, onda 374 mańyzdy másele kóteril­di. Kezdesýlerde kóterilgen máse­le­lerdiń 78-i qanaǵattandyryldy, 249-y jyl sońyna deıin sheshimin tabady, al 48 máseleni sheshý uzaq merzimdi qajet etedi», dedi qala ákimi.

Issapar barysynda Darhan Jazyq­baev Ten qogam áleýmettik qoldaý ortalyǵynda múmkindigi shekteý­li azamattarǵa «bir tereze» qaǵıdasy boıynsha usynylatyn memlekettik qyzmettiń sapasymen, «I-shymkent 109», «Dıspetcherlik qyzmet» jáne Halyqqa qyzmet kórsetý ortalyqtarynyń jumy­symen tanysty. «Jastar resýrstyq ortalyǵynda» ótken erkin formattaǵy pikir almasý kezinde jastardyń tol­ǵandyrǵan suraǵyna jaýap berip, olar­dy talapshyl, eńbekqor ári adal bolýǵa, úzdiksiz bilim alýǵa shaqyrdy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar