Qoǵam • 27 Sáýir, 2022

E-Salyq Business qosymshasy salyq rásimderin jeńildetti

54 ret kórsetildi

Memlekettik kirister komıteti E-Salyq Business mobıldi qosymshasyn ázirlep, iske qosty, dep habarlaıdy Egemen.kz.

Bul týraly Ortalyq kommýnıkasııalar qyzmetinde ótken brıfıngte QR QM Memlekettik kirister komıteti tóraǵasynyń orynbasary Azamat Panbaev málim etti.

– Qosymshany ázirleýdegi negizgi maqsat – Memleket basshysynyń jeke kásipkerlerdiń salyq mindettemelerin oryndaý rásimderin túbegeıli jeńildetý týraly tapsyrmasyn oryndaý. Ol 2022 jylǵy 1 qańtardan bastap el aýmaǵynda qoldanysqa engizildi. Bul tegin qosymshany App Store, Play Market jáne App Gallery-den júkteýge bolady. Búgingi tańda qosymshany 27 myńnan astam kásipker paıdalanýda, – dedi Azamat Panbaev.

E-Salyq Business mobıldi qosymshasy birqatar salyq rásimderin jeńildetti.

  • Mobıldi qosymshanyń fýnksıonaly: jeke kásipker retinde tirkelýge;
  • kassalyq chektiń ornyna mobıldi qosymshanyń chegin berýge;
  • qosymshada berilgen chekter negizinde kásipkerdiń kiris esebin júrgizýge;
  • salyqtar men áleýmettik tólemderdi avtomatty túrde esepteýge;
  • jaldamaly qyzmetkerlerdiń jáne olardyń tabystarynyń esebin júrgizýge;
  • ońaılatylǵan deklarasııany tapsyrýǵa (910.00 nysan);
  • kásipkerlik qyzmetti ońaılatylǵan tártipte toqtatýǵa múmkindik beredi.

Odan bólek, E-Salyq Business-te yńǵaıly servıster ázirlenýde. Olardyń kómegimen:

  • salyq organdarynyń jibergen habarlamasyn alýǵa;
  • bir tólem qujatymen birneshe salyqty tóleýge;
  • artyq ne qate tólengen salyqtardy aldaǵy salyqtar esebine jatqyzýǵa nemese qaıtaryp alýǵa bolady.

Sondaı-aq birqatar anyqtamany da alý múmkindigi bar. Mysaly, jeke kásipker retinde tirkelý týraly, onyń jáne onyń jumysshylarynyń tabysy týraly anyqtamalardy ala alasyz. Bulardyń barlyǵy talap etilgen jerge usynýǵa arnalǵan.

Osylaısha, mobıldi qosymshada jeke kásipkerdiń salyq mindettemesin oryndaýdyń barlyq ómirlik sıkli qarastyrylǵan.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar