Bul tizim QR Úkimetiniń 2014 jylǵy 18 shildedegi № 817 qaýlysymen bekitilgen. Alaıda zańnamaǵa engizilgen ózgeristerge baılanysty 2021 jyldyń sońynda mundaı tizbeni bekitý quqyǵy kólik salasyndaǵy ýákiletti organ – Qazaqstan Respýblıkasy Indýstrııa jáne ınfraqurylymdyq damý mınıstrligine berildi.
Osy sheshimge sáıkes 2022 jylǵy 18 sáýirde Indýstrııa jáne ınfraqurylymdyq damý mınıstri № 213 buıryqqa qol qoıyp, buryn qoldanysta bolǵan tizimder qaıta bekitildi:
- tekserý júrgiziletin kólik ınfraqurylymy obektileriniń tizimi;
- tekserý júrgizilmeıtin tulǵalardyń tizimi;
- kólik ınfraqurylymy obektilerine ákelýge tyıym salynǵan zattar men quraldardyń tizimi.
Aıta keterligi, atalǵan buıryq tek vokzaldar, metro stansııalary men teńiz portyna, áýejaılarǵa, jolaýshylar termınaldary joq áýe aılaqtaryna kirý kezinde tekserýge qatysty júzege asyrylady. Alaıda bul qujat Qazaqstan Respýblıkasynyń keden jáne shekara qyzmeti organdarynyń tekserý júrgizý talaptaryna qatysty qoldanylmaıdy.
Eskeriletin jaıt, «Qazaqstan Respýblıkasyndaǵy kólik týraly» QR Zańynyń 24-1-babynyń talaptaryna sáıkes terrorızmge qarsy is-qımyl týraly zańnamada belgilengen qaýip-qater deńgeıine baılanysty jolaýshylar jáne kólik ınfraqurylymy obektilerine keletin adamdar, olardyń alyp júretin zattary, onyń ishinde qol júgi men bagajy tekseriledi.
Aıana Toǵanbek
