Telegram-bottar qazaq jáne orys tilinde qol jetimdi.
«Telegram-botta jastar arasyndaǵy ózekti áleýmettik máseleler, Jastar bastamalaryn qoldaý, osy bastamalardy iske asyrýǵa baǵyttalǵan granttar, jastardy ıgi iske tartý, jastar úshin túrli baǵyttaǵy jobalar boıynsha jańartylǵan aqparatpen tanysýǵa bolady», dep túsindirdi «Astana jastary» JRO basshysynyń orynbasary Aıan Ermentaev.
Aıta keteıik, «Astana jastary» JRO jastar saıasatyn júzege asyrýdyń kelesi baǵyttary boıynsha 14-29 jas aralyǵyndaǵy jastarmen jumys isteıdi:
- NEET sanatyndaǵy jastarmen jumys, atap aıtqanda, turaqty jumysy joq, qandaı da bir oqý ornynda oqymaıtyn, azamattyq saıası belsendiligi tómen jastardyń sanyn azaıtý, jumyspen qamtýǵa járdemdesý;
- Volonterlik qozǵalysty damytý, onyń ishinde jastardyń jeke damýyna úles qosatyn, eldiń damýyna yqpal etetin túrli mádenı-buqaralyq, áleýmettik, ekologııalyq is-sharalarǵa belsendi qatysatyn volonterlerdi qalalyq shtabqa tartý;
- Aýla klýbtaryn damytý, elordada 14-29 jas aralyǵyndaǵy jastardyń ýaqytyn tıimdi paıdalaný, sportta, ónerde, qolónerde shyǵarmashylyq jetistikterge jeteleıtin úıirmelerdiń jumysyn jaqsartý;
- Zańgerlik jáne kadrlyq jumystarǵa kómek kórsetý, osy máselede qıyndyqtarǵa tap bolǵan jastarǵa tegin keńes berý jáne qoldaý kórsetý;
- Jastar bastamalaryn qoldaý sheńberindegi joba negizinde jastardyń kreatıvti, paıdaly oılaýyn qoldaý.
Aıana Toǵanbek
