Aımaqtar • 29 Sáýir, 2022

«Ulttar festıvalinde» stýdentter saıysty

26 ret kórsetildi

Qazaqstan halqy birligi kúni qarsańynda óńirdegi stýdenttik shyǵarmashylyq ujymdar arasynda «Ulttar festıvali» baıqaýy ótti. Sharaǵa óńirdegi joǵary oqý oryndary men tehnıkalyq kásiptik bilim berý uıymdarynyń arasynan iriktelip shyqqan segiz komanda qatysty.

Qatysýshylar baıqaý ere­jesine sáıkes elimizdegi etnos ókilderiniń mádenıeti men ónerin, ulttyq erekshelikterin, turmys-tirshiligin sahnalady. Erekshe saıysqa qatysýshylar úshin ereje bir aı buryn aq­parat quraldary men áleý­mettik jelilerde jarııalan­dy. Eń bastysy – «Ulttar fes­­tıvaline» qatysýǵa tilek bil­dir­gen oqý oryndary úshin qaı etnostyń mádenıetin sahnalaý tártibi jerebe boıynsha tań­daldy. Osylaısha saıys kezin­de stýdentterdiń daıyn baǵ­dar­lamalardy engizýine jol berilgen joq. Ekinshi erek­­sheligi, shyǵarmashylyq báse­kege óńirdegi kásibı óner ujym­dary qatystyrylǵan joq. «Ulttar festıvaline» kel­gen ár stýdenttik ujymnyń baǵ­dar­­lamasy áralýan jáne maz­mundyq jaǵynan óte baı, birin-biri qaıtalamaǵandyǵyn atap ótken jón. Bul kúni ázerbaı­jan, ózbek, tatar, ýkraın, koreı jáne basqa da dıasporalardyń áni shyrqalyp, bıi bılendi, túrli qoıylymdar kórsetilip, ár ulttyń kıimderimen shyq­qan stýdentter sahna tórin jar­qyratyp jiberdi.

Saıysqa tyńǵylyqty ázir­lengen ujymdardyń óneri jurttyń esinde qaldy. Máselen, estý jáne kórý qabileti bu­zyl­ǵan balalarǵa arnalǵan ob­lystyq mektep-ınter­nat ujy­my tatardyń «Saban­toıy­nan» ádemi kórinis daıyndady. Bul jerde oqýshylardyń qı­myl-qozǵalysy sondaı tartym­dy, shyrqaǵan ánderi qu­laq­qa jaǵymdy jáne sahna tórin­degi balalardyń qımyl-qoz­ǵa­lystary da erekshelenip tur­dy. Armıan otbasyndaǵy qalyń­dyqqa quda túsý rásimin tamasha sahnalaǵan kórinister de kórermenniń esinde qaldy. Ar­mıan ultynyń saltynda kú­ıeý jigittiń sheshesi bosaǵaǵa kel­gen qalyńdyqqa óz qolymen úzip nan usynady eken.

Konkýrs qorytyndysy boıynsha ózbek mádenıetin sahnalaǵan Aqtóbe tehnıka-tehnologııalyq kolledji, koreı ultynyń ulttyq joralǵylaryn kórsetken Q.Jubanov atyn­daǵy Aqtóbe óńirlik memlekettik ýnı­versıteti jáne «Sabantoı» rási­min sahnalaǵan estý já­ne kórý qabileti buzylǵan balalarǵa arnalǵan oblystyq mektep-ınternat ujymdary úzdik dep tanyldy. Olarǵa Aqtóbe oblysynyń kıeli jerlerine saıahatqa barý joldamasy tapsyryldy.

Sońǵy jańalyqtar

Semeı qalasynyń gerbi bekitildi

Aımaqtar • Búgin, 07:47

«Qaıyrymdylyq» taqyrybyndaǵy marka

Qazaqstan • Búgin, 07:45

Bas júlde buıyrmady

Sport • Búgin, 07:42

Josparyn jarııa etti

Sport • Búgin, 07:40

Sıfrlandyrý – ózekti másele

Úkimet • Búgin, 00:49

BUU-nyń Jahandyq shartyna qosyldy

Ekonomıka • Búgin, 00:34

Jeti túrli sóz

Ádebıet • Keshe

Antyna adal azamat

Qazaqstan • Keshe

Júrektiń jumsaq kúlkisi

Ádebıet • Keshe

О́ńirlerde aýa sapasy nashar

Ekologııa • Keshe

Elorda kúnine tartý

Teatr • Keshe

Jalǵyz qoldy sheber

О́ner • Keshe

Ereımen jerindegi ejelgi nysandar

Rýhanııat • Keshe

Uqsas jańalyqtar