Aımaqtar • 06 Mamyr, 2022

Mekteptegi murajaı

31 ret kórsetildi

Qyzylordadaǵy K.Qarakózov atyndaǵy №235 orta mektepte «Ata­meken» atty murajaı bar. О́tken ǵasyr­daǵy sekseninshi jyl­dardyń sońynan beri jumys istep kele jatqan murajaı mektep­tiń alǵashqy dırektory Rahat Qul­tanovtyń bastamasymen ashylǵan.

Elimizdegi bilim berý uıym­daryndaǵy murajaılar arasynda kósh bastap turǵan «Atameken» 15 bólimnen tura­dy. Jaqynda bilim oshaǵyna barǵan oblys ákiminiń orynbasary Baljan Shámenovaǵa murajaıdy ardager ustaz Kúlásh Almatshaqyzy tanys­tyryp, tarıhyna keńinen toqtaldy.

Jastarǵa ulttyq qundy­lyqtarymyzdy dáriptep, eńbek pen erliktiń úlgisin kórsetken tulǵalar ómirin úlgi etetin, týǵan jerdiń baı tarıhymen tanystyratyn «Atamekende» jádigerler óte kóp. «Abaı jáne Alash arys­tary», «Ný­mız­matıka», «Zergerlik buıym­­dar», «Ulttyq qundy­lyq­tar», «Kıeli kıiz úı», «Uly Otan soǵysy ardagerleri», «Baıqońyr», «Aral» bólim­deriniń oqýshylar úshin mańyzy erekshe. Mektep dırektory Roza Taǵybergenqyzynyń aıtýynsha, búginde bilim oshaǵynda sabaqty murajaımen baılanystyra otyryp ótkizý dástúrge aınalǵan.

Murajaıdyń jumysymen tanysqan oblys ákiminiń orynbasary jas órken­derimizdiń patrıot tulǵa bolyp qalyptasýy úshin murajaıdaǵy ulttyq qundylyqtar men Syr elinen shyqqan dańqty tulǵalardyń ónegeli ómir joldary týraly málimetterdiń urpaq úshin alar orny erekshe ekenin aıtty. Murajaıda jasalyp jatqan eńbekterge alǵys aıtyp, tilekter taqtasyna óziniń lebizin jazyp qaldyrdy.

Osydan 33 jyl buryn Almaty qalasyn­da ótken «Mek­tep murajaılary jáne synyptan tys jumystar» atty respýb­lıkalyq baıqaýdyń I oryn ıegeri atanǵan mura­jaı 2018 jyly Tuńǵysh Prezı­dent qorynyń uıymdas­tyrýymen ótken áleýmettik jobalar konkýrsynda jeńim­paz atanyp, 1 mln teńge grant ıelengen.

 

QYZYLORDA

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar