Aımaqtar • 11 Mamyr, 2022

Mánshúk aty máńgilik

50 ret kórsetildi

Qyzylordada Keńes Odaǵynyń Batyry Mánshúk Mámetovanyń 100, batyr esimin ıelengen pedagogıkalyq kolledjdiń 90 jyl­dy­ǵyna oraı «Jastyq jalynymyz – súıikti Otanymyzǵa!» atty respýblıkalyq patrıottyq jastar forýmy ótti. Oblys ákimi Nurlybek Nálibaev, Bilim jáne ǵylym birinshi vıse-mınıstri Sholpan Karınova, Qazaqstan halqy Assambleıasy Analar keńesiniń tóraıymy Názıpa Shanaı, zııaly qaýym ókilderi men ardager ustazdar forým meımany retinde qatysty.

Keıingi tolqyn aldynda sóı­le­gen sózinde aımaq basshy­sy eldik is­terge aralasqan, ǵy­lym-bilim­de erekshelengen tul­ǵa­­lar ómiri­nen mysaldar kel­tir­di. Olar­dy jas­tarǵa úlgi etti. Jańa­shyl­dyqqa qol sozǵan daryndylar bastamalaryn qoldaýǵa da­ıyn ekenin jetkizdi.

– Jastarǵa qoldaý kórsetý – bizdiń jumysymyz ǵana emes, ­basty mindetimiz. Oblys ákimi­niń ha­lyqtyń áleýmettik osal jáne kópbalaly otbasylarǵa arnal­ǵan bilim granty 2 esege artyp, bıyl 200-ge jetti. Kásipkerlikpen aına­lysýǵa bel baılaǵandar­dyń jobalaryna oblystyq bıýdjetten 70 mln teńge bólip otyrmyz. Munan bólek, sportpen shu­ǵyl­danýǵa da jaǵdaı jasalyp jatyr. Qala men aýdan orta­lyqtaryn­da ǵana emes, aýyl­dyq jer­lerde de sport nysan­darynyń sany artyp keledi. Biz qaı kezde de jastardyń bastamalaryn qoldaýǵa ázirmiz, – dedi Nur­lybek Nálibaev.

Basqosýda kolledj stýdenti úıden oqıtyn balalarǵa arnal­ǵan «Vırtýaldy shyndyq» jobasyn tanystyrdy. Oblys ákimi mundaı áleýmettik jobalarǵa qoldaý tanytatynyn atap ót­ti. Sondaı-aq úzdik stýdent Bına­zır Álıhanqyzyna Mánshúk Má­metova atyndaǵy arnaıy stıpendııa sertıfıkatyn tabys etti.

Sholpan Karınova aımaqqa ja­sa­ǵan sapary barysynda M.Má­­metova atyndaǵy Qyzyl­or­da peda­gogıkalyq joǵary kol­­led­jinde respýblıkalyq pat­rıot­­tyq jas­tar forýmyna qa­ty­sý­shylarmen kezdesti. Onda Shol­­pan Tańatqy­zy­men qatar oblys ákiminiń oryn­­basary Baljan Shámenova, «Qos­shynar: Álııa – Mánshúk» qo­ǵam­dyq birlestigi jetekshisi Ǵalym­jan Baıderbes jáne Aqtóbe qala­synan arna­ıy kelgen kóshbas­shy stýdent A.Nur­ly­bekqyzy kolledj ujy­myn quttyqtap, Mánshúk ­Máme­tova eskertkishine taǵzym etti.

p

Toqsan jyl buryn Qyzylorda aýdandyq atqarý komıtetiniń №33 sheshimine sáıkes pedagogıka tehnıkýmy bolyp ashylǵan oqý orny 5 jyldan keıin pedagogıka ýchılıshe­si boldy. Al 1952 jyly QazKSR Aǵartý isi mınıstriniń buıryǵy­men M.Má­metova atyndaǵy Qyzyl­orda qazaq qyzdar pedagogıkalyq ýchı­lıshesi, 36 jyl bu­ryn pe­dago­gı­kalyq ýchılıshe, keıinnen zaman talabyna saı kolledj atandy.

Sholpan Tańatqyzy forýmǵa qatysýshylardy qos mereıtoımen quttyqtap, oqý ornynyń bú­ginde bilikti pedagog mamandar daıarlaıtyn irgeli bilim shańyraǵyna aınalǵanyn atap ótti. Ǵasyrǵa jýyq tarıhynda bul oqý ornyn myńdaǵan shákirt bitirdi. Olardyń qatarynda ­jıyrmadan astam ǵylym doktorlary, 200-den asa ǵylym kandıdattary, qoǵam jáne mádenıet qaıratkerleri bar. Ǵumyryn bi­lim­ge arnaǵan Shámsha Ber­kim­baeva, aıtys­ker aqyn Nadejda Lýsh­nıkova, esimderi júrekte, únderi qu­laq­ta qalǵan ánshiler Baqyt Áshi­mova, Mádına Erálıe­valar osy kıeli mekennen túlep ushqan talanttar.

Sholpan Karınova forým aıasynda jaryq kórgen «Bilim sham­­shyraǵy» atty kitaptyń tanys­ty­­rylymyna qatysyp, saltanat­ty túrde lentasyn qıdy. «Mek­tepke deıingi tárbıe jáne oqytý» mamandyǵynyń «Dýal­dy oqytý ala­ńy», «Bilim nury» atty peda­gogı­kalyq sabaqtas­tyq galereıasy men «Quzyretti­lik ortalyǵy», «Kór­­kem eń­bek» sheberhanasyndaǵy kirik­­ti­­rilgen sabaqtarǵa qatysyp, stý­­dentterdiń engizgen jańarǵan jo­balaryna oń baǵasyn berdi.

Osy kúni N.Bekejanov atyn­da­ǵy Qazaq akademııalyq mýzy­kalyq drama teatrynda batyr qyzdyń ómirin beınelegen «Monshaq» spek­takli sahnalandy. Qoıylym keıip­kerlerin kol­ledjdiń 100-den astam stýdenti somdap shyǵyp, kórermen qoshe­metine ıe boldy.

p

 

Qyzylorda

Sońǵy jańalyqtar

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Uqsas jańalyqtar