«Konstıtýsııalyq Keńes qazirgi tańda Prezıdenttiń, Premer-Mınıstrdiń, Parlament depýtattarynyń jáne sottardyń ótinishterin ǵana qarastyrady. Endi Adam quqyqtary jónindegi ýákilge, Bas prokýrorǵa jáne eń bastysy azamattarǵa Konstıtýsııalyq Sotqa júginý quqyǵyn berý usynylady. Bul kez kelgen normatıvtik quqyqtyq akt Konstıtýsııaǵa sáıkestigi turǵysynan qaralýy múmkin degendi bildiredi», dedi vıse-mınıstr.
Onyń aıtýynsha, atalǵan konstıtýsııalyq ózgeris mınıstrlikterdiń qandaı da bir qaǵıdalar men tártipti bekitetin buıryqtary, ákimniń normatıvtik aktileri jáne tipti Úkimet qaýlylaryna deıingi máselelerdi qamtıdy.
«Qazirgi tańda olardyń daý-damaıy azamattyq prosestiń erejelerine sáıkes jalpy ıýrısdıksııa sottarynda júzege asyrylady. Konstıtýsııalyq Sot aktini, onyń ishinde sot sheshimin shyǵarýǵa negiz bolǵan zańdy qaıta qaraýǵa quqyly bolady», dedi A. Muqanova.
