- Bıyl jyl aıaǵyna deıin 37 eldi mekende 200 shaqyrymnan astam avtomobıl joldaryn jóndeý josparlanyp otyr. Búgingi tańda oblystyq mańyzy bar «Inder-Qarabaý» avtomobıl jolynyń 87 shaqyrymyn qaıta jańǵyrtý jumystary júrgizilip jatyr. Qazir atalǵan joldyń 31,5 shyqyrymy qaıta jańǵyrtyldy. Sonymen qatar «Ganıýshkıno-Prımore-Ýtery-
Kotıaevka» avtomobıl jolyn kúrdeli jóndeý jumystary júrgizilýde, - dedi Q. Qabdyǵalı.
Sondaı-aq onyń aıtýynsha, Qyzylqoǵa aýdany Taısoǵan selosyna kirme jolyn, «7 razezd-Asan-Azǵyr-Balqudyq-
Oǵan qosa, ol osy jyly Isataı aýdanynynyń Janbaı jáne Isataı aýyldary, Qurmanǵazy aýdanynyń Nurjaý, Mahambet aýdanynyń Sarytoǵaı, Maqat aýdany Maqat, Dossor jáne Báıgetóbe aýylynyń aýylishilik, kirme joldary men jaıaý júrginshiler joldary qaıta jańǵyrtylyp jatqanyn aıtty.
Al, Atyraý qalalyq turǵyn úı kommýnaldyq sharýashylyǵy, jolaýshylar kóligi jáne avtokólik joldary bóliminiń bas mamany Erjan Qaınollaev bıyl Atyraý qalasynda jol keptelisiniń aldyn alý maqsatymen 21,1 shaqyrymdy quraıtyn bes kósheniń tas joldary qaıta jasalatynyn aıtty.
E.Haınollaevtyń málimdeýinshe, búgingi tańda Áýezov kóshesiniń 2,8 shaqyrymy, Balyqshy yqsham aýdany - Zaroslyı aralyǵyndaǵy 5,7 shaqyrymyndaǵy kóshelerinde jol qurylysy jumystary júrgizilýde.
- Osy jyly Erkinqala-2, Zaroslyı-1, Rakýsha, Balaýsa yqsham aýdandary men qaladaǵy basqa da móltek aýdandar boıynsha jalpy alǵanda uzyndyǵy 135,8 shaqyrymdy quraıtyn 230 kóshege jańadan asfalt jol tóseý jumystary júrgizilip jatyr, - dedi E.Haınollaev.
Sondaı-aq bas maman bıyl 25 myń sharshy metrdeı kólik joldarynyń oıyq, shuńqyrlaryn jóndeý jumysy qolǵa alynyp jatqanyn aıtyp ótti.
