Aımaqtar • 16 Mamyr, 2022

Bıyl Almatyda myń jas baspanaly bolady

28 ret kórsetildi

Bıyl «Almaty jastary» baǵdarlamasy aıasynda 1000 páter qoldanysqa beriledi. Buǵan 18 mlrd teńge qaralǵan. Bul týraly brıfıng barysynda qalalyq turǵyn úı saıasaty basqarmasy basshysynyń orynbasary Ermek Ámirov aıtty, dep habarlaıdy Egemen.kz.

Onyń aıtýynsha, Almaty qalasynyń 35 jasqa deıingi jastaryn turǵyn úımen qamtamasyz etý maqsatynda 18 mamyr men 1 maýsym aralyǵynda arnaıy qurylǵan «Almaty jastary» saıtynda jeńildetilgen turǵyn úı nesıesin berý úshin ótinish pen qujat qabyldanady.

Saıtta ótinishter men qujattardy berý elektrondyq-sıfrlyq qoltańba arqyly júzege asyrylady. Upaılardy avtomatty túrde esepteý úshin elektrondy kalkýlıator engizilgen. Sonymen qatar saıttaǵy jeke kabınet arqyly berilgen ótinishterdiń mártebesin óz betinshe qaraý múmkindigi bar.

«1 maýsym saǵat 23:59-da ótinish qabyldaý tolyq aıaqtalady jáne 2 maýsymnan bastap búkil ótinishter júkteledi. Budan ári 20 jumys kúni ishinde kelip túsken ótinishterdiń baǵdarlama talaptaryna sáıkestigi tekserilip, ár sanatta jınalǵan ball sanymen tizim qurylady», dedi Ermek Ámirov.

Atalǵan baǵdarlamanyń bıýdjeti 18 mlrd teńge. Beriletin qaryzdyń eń joǵarǵy shegi - 18 mln teńgege deıin, paıyzdyq mólsheri 5%, bastapqy jarnasy - 10 paıyz. Bul baǵdarlamamen bastapqy jáne qaıtalama turǵyn úıdi satyp alýǵa bolady. Bıyl atalǵan baǵdarlamamen 1000 adamdy qamtý josparlanǵan.

Esterińizge sala keteıik, eń tómengi paıyzben beriletin «Almaty jastary 3.0» baǵdarlamasy 2020 jyly bastalǵan.

О́tinish bere alatyn azamattar sanatyna Almatydaǵy memlekettik qalalyq jáne respýblıkalyq mekemede eńbek etetinder, dárigerler men meıirbıkeler, pedagogtar men tárbıeshiler, ártister, jazýshylar, mádenıet salasynyń mamandary, jattyqtyrýshylar men sportshylar, JOO oqytýshylar men ǵylymı qyzmetkerler, áleýmettik sala mamandary: jýrnalıster men BAQ qyzmetkerleri (memlekettik jáne kommersııalyq), óndiristik salada eńbek etetinder kiredi.

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar