Qazaqstan • 16 Mamyr, 2022

Para berý týraly usynys úshin de qylmystyq jaýapkershilik qarastyrylady

35 ret kórsetildi

Soltústik Qazaqstan oblysy sybaılas jemqorlyqqa qarsy qyzmet ókilderi aýyl turǵyndarymen kezdesip, 2022-2026 jyldarǵa arnalǵan Sybaılas jemqorlyqqa qarsy saıasat tujyrymdamasy aıasyndaǵy jańashyldyqtardy sóz etti, dep habarlaıdy Egemen.kz.

Sybaılas jemqorlyqqa qarsy is-qımyl agenttiginiń SQO boıynsha departamenti bapasóz qyzmetiniń málimetinshe, vedomstvo basshysynyń birinshi orynbasary Nurlan Jahın Ǵabıt Músirepov atyndaǵy jáne Aıyrtaý aýdandarynda turǵyndarmen kezdesti. Oǵan memlekettik qyzmetshiler, jurtshylyq, jastar, sondaı-aq komplaens-ofıserler de qatysty.

Búginde aýdandarda ártúrli kvazımemlekettik sektor uıymdarynyń 15 komplaens-ofıseri jumys isteıdi. Olar qyzmetkerlerdiń sybaılas jemqorlyqqa qarsy zańnamany, sondaı-aq korporatıvtik ádep kodeksin saqtaýyn baqylaýdy qamtamasyz etip, anyqtalǵan sybaılas jemqorlyq táýekelderin joıý jóninde sharalar qabyldaıdy.

Jıyn barysynda 2022-2026 jyldarǵa arnalǵan Sybaılas jemqorlyqqa qarsy saıasat tujyrymdamasy aıasyndaǵy jańashyldyqtar talqylandy.

«Tujyrymdamany Memleket basshysy sybaılas jemqorlyqqa qarsy is-qımyl salasyndaǵy negizgi máselelerdi sheshý úshin bekitti. Qujat aıasynda agenttik zańnamalyq aktilerge sybaılas jemqorlyqqa qarsy is-qımyl máseleleri boıynsha jáne ÁQBtK-ne ózgerister men tolyqtyrýlar engizýdi josparlap otyr. Atalǵan konsýltatıvtik qujattar «Ashyq NQA» ınternet-portalynda jarııa talqylaý úshin ornalastyrylǵan», dedi Nurlan Jahın.

Zań jobalaryna sybaılas jemqorlyqqa qarsy is-qımyl sharalary júıesine sybaılas jemqorlardyń jarııa tizilimin engizý, para berý týraly ýáde-usynys úshin qylmystyq jaýapkershilik engizý, sybaılas jemqorlyqqa qarsy is-qımyl sharalaryn qabyldamaǵany úshin jaýapkershiliktiń quqyqtyq tetikterin jetildirý, sybaılas jemqorlyq quqyq buzýshylyqtar jasaǵany úshin zańdy tulǵalardyń jaýapkershiligin kúsheıtý, sybaılas jemqorlyq ákimshilik quqyq buzýshylyqtar úshin ótý merzimin ulǵaıtý jáne taǵy basqalar josparlanǵan.

Sońǵy jańalyqtar

Dollar arzandady

Qarjy • Keshe

Uqsas jańalyqtar