Úkimet • 17 Mamyr, 2022

Elimizde ımportqa táýeldi ónim óndirý salasynyń úlesi artady

29 ret kórsetildi

Importqa táýeldi ónim óndirý salasynda jumys isteımin degenderge úlken múmkindik bar. Bul týraly búgin Úkimet otyrysynda Premer-Mınıstr Álıhan Smaıylov aıtty, dep habarlaıdy Egemen.kz.



«Mal sharýashylyǵy – otandyq aýyl sharýashylyǵyndaǵy dástúrli ári jetekshi salanyń biri. Memleket mal basyn kóbeıtip, mal sharýashylyǵy ónimderin óndirý úshin arnaıy qoldaý kórsetip keledi. Onyń ishinde ınvestısııalyq jobalardy iske asyrý, tehnıka men jabdyqtardy satyp alý kezinde shyǵyndardy óteýge qarjy qarastyrylǵan. Statıstıkalyq derekterge súıensek, mal sharýashylyǵy oń qarqynmen ósip keledi. Osy oraıda mal sharýashylyǵy azyq-túlik qaýipsizdiginiń mańyzdy elementi ekenin de aıta ketken jón», dedi Úkimet basshysy.

Onyń dereginshe, áleýmettik mańyzy bar 19 óniminiń tórteýi ımportqa táýeldi. Olar – qus eti, shujyq, sút jáne sút ónimderi.

«Sondyqtan bul salada jumys isteımin degenderge úlken múmkindik bar. Bizdiń aldymyzda turǵan asa mańyzdy mindet – osy ónim túrlerin shyǵarýda otandyq óndirýshilerdiń úlesin 100 paıyzǵa deıin arttyrý. Ásirese, shıkizatty tereń óńdeý jobalaryn iske asyrýǵa basa nazar aýdaryp, syrtqy naryqtarǵa shyǵýdy da eskerý qajet», dedi Álıhan Smaıylov.

 

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar