Koronavırýs • 18 Mamyr, 2022

Naýqastardyń 98 paıyzdan astamy saýyǵyp shyqty – Ajar Ǵınııat

23 ret kórsetildi

Memleket basshysy Qasym-Jomart Toqaevtyń eldegi epıdemıologııalyq jaǵdaıdy turaqtandyrý tapsyrmasy oryndaldy. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy Egemen.kz.

«Memleket basshysy eldegi epıdemıologııalyq jaǵdaıdy turaqtandyrýǵa baǵyttalǵan birqatar tapsyrma bergen bolatyn. Búgingi tańda tapsyrma oryndaldy. Qazirgi ýaqytta elimizdiń barlyq óńirinde epıdemıologııalyq jaǵdaı turaqtandy. Táýligine koronavırýs ınfeksııasymen shamamen onshaqty jaǵdaıy tirkeledi, naýqastardyń 98 paıyzdan astamy saýyǵyp ketip jatyr», dedi mınıstr Ortalyq kommýnıkasııalar qyzmetinde ótip jatqan baspasóz máslıhatynda.

Onyń atap ótýinshe, osy jyldyń 24 qańtarynda ótken vedomstvoaralyq komıssııanyń otyrysynda karantındik is-sharalardy jeńildetý tásilderi qaralyp, maquldanǵan.

«Qazir elde barlyq shekteý is-sharalary alynyp tastaldy. Dúnıejúzilik densaýlyq saqtaý uıymynyń málimetteri boıynsha sońǵy aptada búkil álemde aýrý 12 paıyzǵa tómendedi. Biraq aýrýdyń ósýi Amerıka jáne Afrıka óńirlerinde baıqalady. Sonymen qatar álemniń 97 elinde syrqattanýshylyqtyń ósýi kórinip otyr», dedi ol.

Mınıstrdiń dereginshe, sońǵy aptada Armenııada syrqattanýshylyq - 200, Vengrııada - 200 paıyzdan astamǵa, Birikken Arab Ámirliginde - 55, Japonııada - 54, Sıngapýrda - 37, Izraılde - 15, Túrkııada 12 paıyzǵa ósken.

«Epıdemıologııalyq jaǵdaıdy kúndelikti boljaý jáne baǵalaý turaqty negizde jalǵasýda, jaǵdaı ýshyqqan kezde KVI-men aýyratyn naýqastarǵa medısınalyq kómek kórsetý úshin tósek oryndar, ınfeksııalyq aýrýhanalar, emdeýge arnalǵan qarajattyń kólemi, dárilik zattar men medısınalyq buıymdar, jeke qorǵanys quraldary daıyn», dedi Ajar Ǵınııat.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar