Aımaqtar • 19 Mamyr, 2022

Almatyda úsh kóshe uzartylady

26 ret kórsetildi

Almaty ákimi Erbolat Dosaev Naýryzbaı aýdanynyń turǵyndarymen kezdesý barysynda qaladaǵy kósheler qalaı uzartylyp jatqanyn aıtyp berdi, dep habarlaıdy Egemen.kz.

Ákimniń aıtýynsha, Naýryzbaı aýdanynda Abaı dańǵyly men Tóle bı jáne Jubanov kósheleri uzarady.

«Abaı dańǵyly aýdannyń ákimshilik ortalyǵynan qala shekarasyna deıin 600 metrge uzartylady. Ol úshin 73 jer ýchaskesin satyp alý qajet, 41 ýchaske satyp alyndy, qalǵandary 2023 jyldyń sońyna deıin qurylys barysynda alynady», dedi Erbolat Dosaev.

Qazir Tóle bı kóshesi uzartylyp jatyr. Bıyl Almaty qalasynyń ákimdigi ınjenerlik kommýnıkasııalardy qaıta ornatyp, «Alma Sıtı» turǵyn úı kesheniniń janynan jol tóseý jumystaryn júrgizedi.

«Osy jyldyń sońyna deıin Jubanov kóshesin Momyshuly kóshesinen qalanyń shetine deıin uzartý jobasy aıaqtalady. Osy atalǵan jobalardy oryndaý kólik aǵymyn azaıtady jáne Naýryzbaı aýdanynyń megapolıstiń iskerlik ortalyǵymen kóliktik qatynasyn qamtamasyz etedi», dedi qala basshysy.

Sonymen qatar bıyl Naýryzbaı aýdanynda «Shuǵyla» jáne «Tastybulaq» shaǵyn aýdandarynda 14,5 km joldy jóndeý jáne «Aqjar» shaǵyn aýdanyndaǵy 89 kóshege 45 km jol tóseý jumystary bastaldy.

Sońǵy jańalyqtar

Dollar arzandady

Qarjy • Keshe

Uqsas jańalyqtar